May Hansen (SV) [12:36:27]: Jeg vil gjerne få stille et spørsmål til miljøvernministeren:

«Samferdselsdepartementet har nå gitt grønt lys for etablering av sivil flyplass på Rygge. Det som nå kan hindre en etablering, er at det ikke gis utslippstillatelse. Statsråden er godt kjent med forurensningsproblemene i Vansjø og SFTs rapport om vassdragets tilstand, som beskrives som meget alvorlig. Kommunene rundt Vansjø har sagt ja til etablering hvis det blir nullutslipp til Vansjø.

Kan statsråden forsikre kommunene at det blir nullutslipp ved etablering av sivil lufthavn på Rygge?»

Statsråd Knut Arild Hareide [12:37:10]: Eg er som miljøvernminister bekymra for forureiningssituasjonen i Vansjø. Vansjø er sterkt overbelasta av næringssalt, som i hovudsak kjem av utslepp av avløpsvatn og avrenning frå landbruket. Det er derfor viktig med utsleppsreduksjonar for begge desse kjeldene. Det er òg viktig å hindra at nye forureinande utslepp aukar belastninga i vassdraget.

Eg har no teke initiativ til eit styrkt arbeid med å betra vasskvaliteten i Vansjø. Statens forureiningstilsyn er bl.a. bede om å innleia eit samarbeid med Morsaprosjektet for å utgreia dei mest aktuelle innsjøinterne tiltaka som bør gjennomførast i vassdraget.

Opning for sivil luftfart ved Rygge flyplass vil ha konsekvensar for miljøet som ein må ta omsyn til i samband med utsleppsløyvet. Etableringa av flyplassen skal ha utsleppsløyve etter forureiningslova for utslepp til vatn og grunn. Det er fylkesmannen i Østfold som er konsesjonsmyndigheit i saka, og Miljøverndepartementet er klagemyndigheit. Saka blir no handsama av fylkesmannen, og det er derfor ikkje riktig at eg no uttalar meg konkret om utsleppstilhøva i saka.

May Hansen (SV) [12:38:29]: Tusen takk for svaret.

Jeg har en opplevelse av at statsråden tar vassdraget Vansjø på alvor, og han har også besøkt vassdraget. Det syns jeg er positivt. Men det er jo ikke bare Vansjø som er et problem i miljøperspektivet for denne flyplassen. Det er et overordnet miljøperspektiv også, ved det totale utslippet fra fly i Norge. Det er nå kapasitet både på Torp og på Gardermoen. Denne etableringen vil sannsynligvis gjøre at vi får større konkurranse, det blir flere halvtomme fly som flyr, og det tredje i miljøperspektivet er flystøy. Dette er da en sivil etablering av en flyplass i et boområde. Det er mange som bor innenfor støysonen, og dette er en nyetablering. Syns statsråden dette er greit i et miljøperspektiv?

Knut Arild Hareide [12:39:34]: Eg er glad for det engasjementet representanten May Hansen har i forhold til Vansjø. Eg veit òg at representanten har vore engasjert i den saka over lengre tid. Eg trur vi deler den bekymringa som vi no ser, over eit vassdrag som har utfordringar, og det er derfor vi no har sett i gang eit arbeid.

I forhold til spørsmålet er det klart at vi er nøydde til, òg i forhold til luftfartsforholda i Noreg, å sjå på heilskapen. Det gjeld miljøutfordringa generelt. Vi er nøydde til å sjå på og vurdera heilskapen. Og miljøaspektet meiner eg må vera med i desse avgjerdene, som i alle andre avgjerder. Miljøet skal vera ein del av ein heilskap, der ein går inn på alle sektorane.

Det som gjer at eg ikkje går nærare inn på utsleppsløyvet no, er at det er gitt førebels utsleppsløyve fram til 31. desember 2007. Det har komme inn klage på det. Miljøverndepartementet vil vera klagemyndigheit når det gjeld forureiningsutsleppet.

May Hansen (SV) [12:40:45]: Jeg vil gjerne takke for svaret.

Jeg må si at jeg setter pris på de svarene statsråden nå gir. Det virker som han er bekymret for at det etableres en sivil lufthavn på Rygge. Statsråden svarer også på mitt første spørsmål at hvis man åpner for sivil luftfart ved Rygge flyplass, vil det ha konsekvenser for miljøet som det må tas hensyn til i samband med utslippstillatelsen. Dette betyr jo, føler jeg, at det statsråden faktisk svarer på mitt første spørsmål, om det er mulig med nullutslipp fra en sivil flyplass, er nei, det er ikke mulig. Men kan statsråden svare meg på det en gang til: Er det mulig å etablere en sivil flyplass på Rygge som gir et nullutslipp? For det er det kommunene har gitt tillatelse til rundt Vansjø. Og kan statsråden si litt mer i forhold til at man her nyetablerer en sivil flyplass inne i et boområde, hvor mange bor innenfor støysonen?

Statsråd Knut Arild Hareide [12:41:48]: Eg har lyst til å replisera at det eg seier, er at opning for sivil luftfart ved Rygge flyplass vil ha konsekvensar for miljøet som det må takast omsyn til i samband med utsleppsløyve. Eg seier ikkje da noko konkret om kva utsleppsløyve det vil vera. Det er fylkesmannen i Østfold som vil ta den avgjerda, og Miljøverndepartementet vil eventuelt vera klagemyndigheit. Det som er viktig, er at vi ser heilskapen i forhold til situasjonen i Vansjø. Det må òg vurderast i forhold til Rygge flyplass, utan at eg har teke noka avgjerd om den konkrete saka. Det synest eg er viktig å streka under. Den konkrete saka er det fylkesmannen i Østfold som vil få på sitt bord, og Miljøverndepartementet vil eventuelt vera klagemyndigheit. Det eg er oppteken av, og det eg vil vere med og ta ansvar for saman med kommunane rundt, er den heilskaplege situasjonen for Vansjø. Det engasjementet deler eg med representanten Hansen.

May Hansen (SV) [12:42:49]: Takk for svaret.

Presidenten: Det var det siste spørsmålet i dagens spørretime.