1. Bakgrunn

Regjeringa slår i meldinga fast at ei aldrande befolkning er ei av dei viktigaste samfunnsendringane Norge står overfor, og presenterer i meldinga retning og rammer for utviklinga av eit meir alders- og demensvennleg samfunn.

Dei overordna måla med reforma er å bidra til at eldre kan bu trygt heime, og at behovet for helse- og omsorgstenester blir utsett gjennom betre planlegging, styrkt førebygging og meir målretta tenester. Bu trygt heime-reforma legg til grunn at staten skal samle innsats og verkemiddel på tvers av samfunnssektorane. Stortingsmeldinga er delt inn i fire innsatsområde:

  • Levande lokalsamfunn (omtala i meldingas kapittel 3)

  • Bustadstilpassing og -planlegging (omtala i meldingas kapittel 4)

  • Kompetente og myndiggjorde medarbeidarar (omtala i meldingas kapittel 5)

  • Tryggleik for brukarar og støtte til pårørande (omtala i meldingas kapittel 6)

Stortingsmeldinga blir fremma av Helse- og omsorgsdepartementet, men er utarbeidd og skal bli følgt opp i samarbeid med Arbeids- og inkluderingsdepartementet, Kommunal- og distriktsdepartementet, Kultur- og likestillingsdepartementet, Kunnskapsdepartementet og Samferdelsdepartementet.

Gjennomføringa av reforma skal skje innanfor dei budsjettrammene som til kvar tid gjeld for kommunane, helseføretaka, departementa og dei underliggande etatane til departementa.

Neste kapittel