Komiteen merkar seg at som følgje av at det er venta ei nedgang til 100 einslege, mindreårige asylsøkjarar under 15 år under barnevernet si omsorg i 2011, er posten redusert. Komiteen vil i tilegg vise til at det har vore ein nedgang i asyltilstrømminga til Noreg, og komiteen ser denne reduksjonen difor som ein naturleg konsekvens av dette.

Fleirtalet i komiteen, alle unnateke medlemene frå Fremskrittspartiet, vil vise til at det vil vere 164 plassar i statlege omsorgssentra for einslege, mindreårige asylsøkjarar ved inngangen til 2011. Fleirtalet vil understreke at å byggje ned kapasiteten til 100 plassar ikkje er realistisk, og løyvinga på posten blir derfor føreslått redusert til å dekkje 115 plassar.