Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.

Stortinget.no

logo
Hopp til innholdet
Til forsiden
Søketips
Til forsiden
Søketips
PDFVis hele publikasjonen på en side

1. Sammendrag

Justis- og politidepartementet legg i proposisjonen fram forslag om endringar i løyvingane under diverse kapittel i statsbudsjettet for 2006.

Domstoladminstrasjonen tok over det administrative ansvaret for jordskifterettane frå Landbruks- og mat­departementet frå 1. januar 2006. Det er tid­legare vedteke at jordskifterettane skal over på tilsvarande IKT-plattform som domstolane. Dette arbeidet blei starta i 2005. Den nye IKT-plattforma er berekna å koste totalt 20 mill. kroner, og skulle dekkjast av Landbruks- og matdepartementet. Dette er overført Justis- og politi­departementet bortsett frå eit restbeløp på 1,3 mill. kroner.

På denne bakgrunn blir det foreslått å auke løyvinga under kap. 410 post 1 med 1,3 mill. kroner mot tilsvarande reduksjon på Landbruks- og matdepartementet sitt kap. 1149 post 71.

Løyvinga på posten dekkjer utgifter som etter rettsgebyrlova er inkluderte i rettsgebyret. Forbruket på posten er knytt til antal og omfang av saker, og er derfor ikkje styrbar.

I budsjettframlegget for 2006 blei det lagt til grunn ikraftsetjing av endringar i Ot.prp. nr. 108 (2004-2005) Om lov om endringar i lov 8. juni 1984 om gjeldsforhandling og konkurs og andre lover (elektronisk kommunikasjon mv.) frå 1. juli 2007. Endringane trådde i kraft frå 1. februar 2006, og vil derfor gi om lag 3,8 mill. kroner høgare innsparing på posten i 2006 enn budsjettert. I tillegg er det generelt pårekna et lågare forbruk på posten på om lag 8,2 mill. kroner i 2006.

Samla blir det derfor foreslått å redusere løyvinga på kap. 410 post 1 med 12 mill. kroner.

Løyvinga på posten dekkjer utgifter til godtgjersle til medlemmer av forliksråd og kompetansehevande tiltak i form av kurs.

Antal saker i forliksråda er pårekna å bli langt fleire enn berekna som følgje av ikraftsetjinga av reforma om den sivile rettspleie på grunnplanet frå 1. januar 2006. Det blei derfor i februar 2006 gjort ytterlegare endring i form av nedjustering av satsen for godtgjersle til medlemma av forliksråda. På bakgrunn av rekneskapstal og pårekna utvikling blir det, ut frå noko usikre anslag, foreslått å redusere løyvinga under kap. 414 post 21 med 20 mill. kroner.

Løyvinga på posten dekkjer inntekter i samband med sivile saker, tinglysing, skjønn, skifte, konkurs m.m. Inntektene er regelbundne. På bakgrunn av rekneskapstal hittil i år og pårekna utvikling blir det foreslått å auke løyvinga under kap. 3410 post 1 med 60 mill. kroner.

Gjeldande løyving på posten i 2006 er 6,8 mill. kroner. På generalforsamlinga til Norsk Eigedomsinformasjon as våren 2006 blei det vedteke eit utbytte på 10,36 mill. kroner i 2006. På denne bakgrunn blir det foreslått å auke løyvinga på kap. 5630 post 80 med 3,56 mill. kroner.

Rekneskapstal hittil i år viser at utbetalingane til refusjonar til kommunale omsorgstiltak for prøveløslatte frå forvaring, psykisk utviklingshemma med sikringsdom og varetektssurrogat er blitt lågare enn tidlegare lagt til grunn. Det blir foreslått å redusere løyvinga med 10 mill. kroner under kap. 430 post 60.

Det blei hausten 2005 gitt ei ekstra løyving mellom anna til dekning av meirutgifter i politiet på om lag 15 mill. kroner i samband med Stavanger tingrett si behandling av Nokas-saka. Behandlinga av Nokas-saka i tingretten har blitt meir kostnadskrevjande enn forutsett. Oppdaterte tal viser meirkostnader på 6,5 mill. kroner knytt til behandlinga i tingretten. Justisdepartementet foreslår derfor at kap. 440 post 1 blir auka med 6,5 mill. kroner.

Justisdepartementet har fått fullmakt til å overskride løyvinga på kap. 440 post 1 mot tilsvarande meirinntekter på kap. 3440 post 6. Det blir derfor foreslått å auke løyvinga på kap. 440 post 1 med 4,8 mill. kroner, sjå omtalen under kap. 3440 post 6 Gebyr.

Regjeringa foreslår å auke løyvinga til innkjøp av utstyr i politi- og lensmannsetaten med 3 mill. kroner under kap. 440 post 1.

I tillegg har Politidirektoratet opplyst at dei innanfor eksisterande rammer har funne rom til å framskunde kjøp av pistolar i 2006 for om lag 30 mill. kroner. Dette vil bli dekka sentralt slik at ikkje politidistrikta blir belasta. Dette gjeld også Oslo politidistrikt. Mindre tilleggsutgifter til pistolar som til dømes belter må politidistrikta dekkje sjølve. I tillegg skal det omprioriterast om lag 11 mill. kroner til investeringar i utstyr, særleg til kommunikasjonskontroll, men også til nokre investeringar i PST. Samla utgjer desse investeringane om lag 44 mill. kroner.

Samla vert det foreslått å auke løyvinga på kap. 440 post 1 med 14,3 mill. kroner.

Posten dekkjer politi- og lensmannsetaten sine sideutgifter i samanheng med asylsaker, mellom anna utgifter til uttransportering i asylsaker og andre utlendingssaker.

Politiet har til no i år uttransportert færre personar frå landet enn planlagt. Justisdepartementet foreslår å redusera løyvinga på kap. 440 post 21 med 24 mill. kroner.

Med bakgrunn i rekneskapstala hittil i år foreslår Justisdepartementet å redusere løyvinga på kap. 440 post 22 med 3 mill. kroner.

Natt til 17. september 2006 vart det avfyrt skarpe skot mot den jødiske synagogen i Oslo. Dette viser eit behov for tryggleikstiltak for det mosaiske trussamfunnet. Regjeringa har derfor funne det riktig å løyve 4,948 mill. kroner til eingangsinvesteringar i trygg­leikstiltak på kap. 440 ny post 72.

På bakgrunn av rekneskapstala hittil i år, og venta utvikling for passinntektene, foreslår Justisdepartementet å auke løyvinga på kap. 3440 post 1 med 10 mill. kroner.

På bakgrunn av rekneskapstala hittil i år, og venta utvikling på posten, foreslår Justisdepartementet å redusere løyvinga på kap. 3440 post 4 med 0,5 mill. kroner.

På bakgrunn av rekneskapstala hittil i år, og venta utvikling for inntektene på søknader om statsborgarskap, opphalds-, arbeids- og busetjingsløyver, foreslår Justisdepartementet å auke løyvinga på kap. 3440 post 6 med 6 mill. kroner, jf. omtale under kap. 440 post 1.

Ansvaret for den sivile rettspleia på grunnplanet vart overført til politi- og lensmannsetaten frå 1. januar 2006. Samstundes vart dei nye reglane som direkte tvangsinndriving av krav som er uimotsagte, gjort gjeldande.

Utviklinga i 2006 viser at det er ein nedgang i talet på tvangsforretningar i høve til tidlegare år, noko som truleg har samanheng med at den norske økonomien er inne i ein høgkonjunktur. Vidare viser det seg at direkte tvangsinndriving er teke i bruk i liten grad, noko det fortsatt høge talet på saker i forliksråda indikerer. Årsaka er truleg mellom anna den store auken i gebyret for tvangs- og utleggsforretningar dei seinare åra (blitt relativt rimelegare å bruke forliksråd), og at foreldingsfrista er lengre (10 år) for saker med forliksrådsdom. Politidirektoratet er gitt i oppdrag å vurdere moglege tiltak som kan bidra til at reforma i større grad får tilsikta effekt. Saman med den foreslåtte reduksjonen i gebyra for utleggsforretningar i 2007 er det pårekna at reforma vil få betre effekt i 2007. Ved inntektsoverslaga for nye gebyr vart verknaden for eit heilt år berekna. Gebyr i desse sakene vert betalte på etterskot. Det blir derfor eit etterslep på nokre månader før gebyra blir innbetalte og ført i rekneskapen. Av desse grunnane blir det foreslått å redusere løyvinga med 250 mill. kroner under kap. 3440 post 7.

Det blir vist til omtalen under kap. 3440 post 6 Gebyr. Justisdepartementet har fått fullmakt til å overskride løyvinga på kap. 441 post 1 mot tilsvarande meir­inntekter på kap. 3440 post 6. Det blir derfor foreslått å auka løyvinga på kap. 440 post 1 med 1,2 mill. kroner.

I samband med utvikling av elektronisk saksbehandlingsverktøy for Spesialeininga for politisaker blir det foreslått å auke løyvinga under kap. 460 post 1 med 0,9 mill. kroner i 2006.

Løyvinga på posten dekkjer utgifter til advokatar, sakkunnige og tolkar i straffesaker etter straffeprosesslova kapittel 9. Dei totale utgiftene på kapitlet avhenger av talet på straffesaker, omfanget av sakene og storleiken på den offentlege salærsatsen. Utgiftene på posten er regelbundne.

På bakgrunn av rekneskapstal og pårekna utvikling blir det foreslått å redusere løyvinga under kap. 466 post 1 med 40 mill. kroner.

I samband med utvikling av elektronisk saksbehandlingsverktøy og tilsetjing av to midlertidige stillingar i Kommisjonen for gjenopptaking av straffesaker blir det foreslått å auke løyvinga under kap. 468 post 1 med 0,975 mill. kroner.

Løyvinga på posten dekkjer utgifter til advokatar der det er gjeve heil eller delvis fri sakførsel. Utgiftene er regelbundne.

På bakgrunn av rekneskapstal hittil i år og pårekna utvikling blir det foreslått å redusere løyvinga under kap. 470 post 70 med 5 mill. kroner.

Løyvinga på posten dekkjer utgifter til advokatar og rettshjelparar i saker der det er gjeve fritt rettsråd. Utgiftene er regelbundne. På bakgrunn av rekneskapstal hittil i år og pårekna utvikling blir det foreslått å redusere løyvinga under kap. 470 post 71 med 45 mill. kroner.

I samband med at behandlinga av klagesaker etter lov om fri rettshjelp blei overført frå Justisdepartementet til Justissekretariata med verknad frå 1. september 2006, blir det foreslått å redusere løyvinga på kap. 470 post 72 med 1 mill. kroner mot ein tilsvarande auke på kap. 472 post 1, jf. omtale under kap. 472 post 1.

Saksomkostningar tilkjente staten i benefiserte saker førast under posten. Inntektene er regelbundne. På bakgrunn av rekneskapstal og pårekna utvikling blir det foreslått å oppjustere løyvinga under kap. 3470 post 1 med 1 mill. kroner.

Løyvinga på posten er regelbunden overslagsløyving og dekkjer erstatningar etter voldsofferlova. På bakgrunn av rekneskapstal hittil i år og pårekna utvikling blir det foreslått å auke løyvinga under kap. 471 post 70 med 15 mill. kroner.

Løyvinga på posten dekkjer utbetalingar som følgje av staten sitt erstatningsansvar på grunnlag av alminnelege erstatningsreglar, med unntak av ansvar i kontraktsforhold og ansvar i samband med forretningsdrifta til staten. Løyvinga på posten er regelbunden, og har stikkordet overslagsløyving. På bakgrunn av rekneskapstal hittil i år og pårekna utvikling blir det foreslått å auke løyvinga under kap. 471 post 71 med 25 mill. kroner.

Stortinget gjorde 2. mai 2006 vedtak om å be Regjeringa etablera ei særskilt erstatningsordning for etterlatne etter Mehamn-ulykka og vedtak om å be Regjeringa oppnemne ei eiga nemnd som får som oppgåve å fastsetja erstatningsbeløp og definere kven som skal omfattast av ordninga.

På denne bakgrunn oppnemnde Regjeringa i juni 2006 ei nemnd, som avga si innstilling til departementet i oktober 2006. Nemnda foreslår i innstillinga at dei etterlatne skal få erstatning på til saman 8,75 mill. kroner, fordelt på totalt 69 etterlatne med beløp frå 50 000 kroner til 200 000 kroner.

Nemnda foreslår vidare at to av dei etterlatne skal få ei tilleggserstatning på 150 000 kroner, og at tre av dei etterlatne skal få ei tilleggserstatning på 100 000 kroner og at fire av dei etterlatne skal få ei tilleggserstatning på 50 000 kroner. Nemnda si endelege innstilling er vedlagt proposisjonen.

I tråd med nemnda si innstilling blir det foreslått å løyve 8,75 mill. kroner på kap. 471 ny post 74 til erstatningsutbetalingar til dei etterlatne etter dei som omkom i Mehamn-ulykka. Av praktiske omsyn blir det foreslått å gje posten stikkordet "kan overførast".

I samband med at behandlinga av klagesaker etter lov om fri rettshjelp blei overført frå Justisdepartementet til Justissekretariata med verknad frå 1. september 2006, blir det foreslått å auke løyvinga på kap. 472 post 1 med 1 mill. kroner mot ein tilsvarande reduksjon på kap. 470 post 72, jf. omtale under kap. 470 post 72.

Konfliktråda held seminar og tek på seg oppdrag som kursopplæring i skolemekling eller for straffedømde og prosjekt med familiemekling o.a. I slike tilfelle tek konfliktråda betalt for utgiftene dei pådrar seg. På grunn av høgare kursverksemd enn lagt til grunn, er det pårekna høgare refusjonsinntekter på kap. 3474 post 2 i 2006. Det blir på denne bakgrunn foreslått å auke løyvinga på kap. 474 post 1 og kap. 3474 post 2 med 0,6 mill. kroner.

Løyvinga på posten dekkjer dei regelstyrte utgiftene til staten i samband med behandlinga av saker om tvangsopplausing av aksjeselskap og saker om konkurs etter konkurslova § 73.

På bakgrunn av rekneskapstal og pårekna utvikling blir det foreslått å redusere løyvinga under kap. 475 post 1 med 10 mill. kroner.

I budsjettet for 2006 er det lagt til grunn ei innsparing på 38,26 mill. kroner som følgje av endringane i reglane om stykkprisgodtgjersle til advokatar som trådde i kraft 1. januar 2006. Ein del av innsparingane gjaldt innføringa av ei stykkprisordning for forsvararbistand ved fengslingar og innebar mellom anna at forsvarar ikkje skulle honorerast særskild for fengslingsforlengingar som går som kontorforretning (utan rettsmøte). Den 4. september 2006 gav kjæremålsutvalet i Høgsterett ein orskurd der det blei lagt til grunn at fengslingsforlengingar som går som kontorforretningar, skal honorerast på same måte som fengslingsforlengingar i rettsmøte på inntil ein time (med ein stykkpris på to timar). Orskurden til Høgsterett inneber årlege meirutgifter på ca. 2,8 mill. kroner i forhold til dei innsparingar som blei lagt til grunn i 2006.

Neste kapittel