Til saman vart det rekneskapsført utgifter for omlag 3,9 mrd. kroner i 1994 til tiltak for innvandrarar.

       Tabellen nedanfor viser fordelinga på dei einskilde departementa og på område innanfor kvart departement dei tre siste åra:

Tabell 7. (mill. kroner)

	1992	1993	1994
Arbeids- og administrasjonsdepartementet	274
Arbeidsmarknadstiltak for
innvandrarar og flyktningar	274
Kommunal- og arbeidsdepartementet	2.044	2.549	2.995
Drift av Utlendingsdirektoratet	147	157	158
Drift av det statlege mottaksapparatet
for flyktningar og asylsøkjarar	401	765	968
Busetting av flyktningar og integrering
av innvandrarar	1.496	1.307	1.589
Arbeidsmarknadstiltak for innvandrarar og flyktningar		320	280
	1992	1993	1994
Kyrkje-, utdannings- og
forskingsdepartementet	507	580	744
Undervisning for framandspråklege elevar i grunnskulen	327	373	426
Undervisning for framandspråklege
elevar i den vidaregåande skulen	51	39	42
Undervisning for framandspråklege vaksne	129	168	276
Justisdepartementet	90	90	90
Utgifter til politi, fri rettshjelp
og uttransportering	90	90	90
Barne- og familiedepartementet	74	81	79
Utgifter til barnevern for einslege
mindreårige flyktningar og asylsøkjarar	29	36	22
Utgifter til tospråkleg trening i barnehagar	45	45	57
SUM	2.989	3.300	3.908

       Tiltak for asylsøkjarar og flyktningar står for største delen av utgiftene som vart rekneskapsførde i statsrekneskapen for 1994 under dette området.

       Utgiftene knytta til tiltak for innvandrarar - i første rekke flyktningar og asylsøkjarar - har vakse frå 1993 til 1994. Årsaka til den kraftige veksten er den store tilstrøyminga av asylsøkjarar og flyktningar frå det tidlegare Jugoslavia i 1993. Talet på plassar i det statlege mottaksapparatet auka sterkt i 1993, men gjennomsnittleg tal låg høgare i 1994 enn i 1993. Som ei følgje av dette, auka utgiftene til drift av det statlege mottaksapparatet frå 1993 til 1994, sjølv om det på slutten av året skjedde ein kraftig nedbygging av plassar.

       Ingen av tilskotssatsene på dette området har auka frå 1993 til 1994, men det store talet asylsøkjarar og flyktningar har i tillegg til auka utgifter til drift av det statlege mottaksapparatet, også ført til auka utgifter til busetting og integrering av flyktningar og til undervisning for denne gruppa.

       Samla auka utgiftene til asylsøkjarar, flyktningar og innvandrarar med 18,4 % frå 1993 til 1994.