Dei samla overføringane frå staten til privat sektor, kommunane og andre statsrekneskap (i faste prisar) gjekk opp med om lag 0,4 % frå 1993 til 1994. Overføringane til privat sektor auka med om lag 0,7 %, medan overføringane til kommunal sektor viser ein reell nedgang på om lag 1 %.

       I 1994 utgjorde dei samla overføringane 41,6 % av BNP, 1,8 prosentpoeng lågare enn året før. Overføringane auka nominelt med 4,7 mrd. kroner, eller 1,8 % frå 1993 til 1994.

       Av dei samla overføringane på 267,9 mrd. kroner i 1994, var 52,2 mrd. kroner overføringar til kommunar og fylkeskommunar. Dette er 0,2 mrd. kroner meir enn i 1993. Overføringane til private og andre statsrekneskap var på 215,7 mrd. kroner i 1994. Dette er ein auka frå året før på 4,5 mrd. kroner, eller 2,1 %.

       Oppstillinga i tabell 3 viser samla overføringar på dei viktigaste formåla og samanlikna med tilsvarande utgifter i 1993.

Tabell 3. Overføringar etter formål.

	1993	1994	Endring
	Mill.kr	Mill.kr	i %
Sosiale formål	98.872	100.181	1,3
Helsevern	33.106	14.736	-55,5
Undervisning, forsking og kultur	24.056	14.396	-40,2
Jordbruk, skogbruk og fiske	14.565	14.164	-2,8
Arbeidsliv og distriktsutbygging	25.763	58.241	126,1
Utviklingshjelp	6.639	7.052	6,2
Familie- og forbrukerpolitikk	15.774	15.702	-0,4
Innanlands transport	5.884	4.284	-27,2
Nærings- og energiformål	8.441	6.599	-21,8
Bustadformål	4.079	5.184	27,1
Finansadministrasjon	553	240	-56,6
Renter på statsgjeld	19.516	20.653	5,8
Andre overføringar	5.949	6.516	9,5
I alt	263.197	267.948	1,8

       Tabellen viser ein særleg sterk auke i overføringane under området arbeidsliv og distriktsutbygging (32,5 mrd. kroner), og ein tilsvarande nedgang i overføringane under områda helsevern, undervisning, forsking og kultur, og innanlands transport (29,6 mrd. kroner). Dette skuldast i all hovudsak at dei sektorvise rammetilskota til kommunane i 1994 vart samla på området arbeidsliv og distriktsutbygging.