Justis- og politidepartementet legg fram forslag til endringar i politilova. Det vert føreslege å endre funksjonstida til direktøren for Politidirektoratet ved at hovudregelen for åremål med seks års funksjonstid med høve til gjenoppnemning etter søknad éin gang i seks år, skal gjelde. Noverande politidirektør er for tida inne i sin treårsperiode, etter å ha blitt gjenoppnemnd etter sin første åremålsperiode på seks år. Som ei overgangsordning vert det føreslege å gje noverande politidirektør høve til, etter utlysing og innstilling, å få forlenga åremålet med inntil tre år. Departementet ønsker også å endre tittelen til direktøren for Politidirektoratet, til politidirektøren.

Lovendringa vil ikkje medføre økonomiske eller administrative konsekvensar.