Komiteen sluttar seg til proposisjonen og rår Odelstinget til å gjere slikt

vedtak til lov om endringar i lov av 13. juni 1969 nr. 24 om grunnskolen.

I.

       I lov av 13. juni 1969 nr. 24 om grunnskolen blir det gjort følgjande endringar:

§ 32. Samarbeidsutvalet m.m.

§ 32 nr. 1 skal lyde:

       Ved kvar skole skal det vere eit samarbeidsutval med to representantar for lærarane, ein representant for andre tilsette, to representantar for foreldrerådet, to representantar for elevrådet, og rektor som representant for kommunen. I tillegg nemner kommunen opp ein representant til utvalet. Rektor er sekretær for samarbeidsutvalet.

§ 32 nr. 4 skal lyde:

       Dersom samarbeidsutvalet handsamar saker under teieplikt etter forvaltningslova, skal elevrepresentantane fråtre.

II.

       Lova tek til å gjelde straks.

Oslo, i kyrkje-, utdannings- og forskingskomiteen, den 9. mai 1995.

Jon Lilletun, Siri Frost Sterri,

leiar og ordførar. sekretær.