Komiteens flertall, alle unntatt medlemmene fra Høyre, Venstre og representanten Stephen Bråthen, har vedtatt å behandle kap. 3.1 - 3.4 i proposisjonen i en senere innstilling.

3.1 Oppretting av skattelova § 44 ellevte ledd nr. 2 bokstav d

       Ved lovendring av 8. januar 1994 vart plasseringsvilkåra om frådrag i skatten for kapitalinnskot som inngår i ordning med aksjesparing (AMS) flytta frå verdipapirfondlova av 12. juni 1981 nr. 52 § 4-4 tredje ledd til skattelova § 44 ellevte ledd nr. 2 bokstav d. Det er som hovudregel eit vilkår for frådrag at innskotet vert halde plassert i norske aksjar, teikningsrettar og konvertible obligasjonar innafor ramma av verdipapirfondlova § 4-4 første ledd. I praksis vil det seie at innskotet må vere plassert i børsnoterte verdipapir.

       Verdipapirfondlova § 4-4 andre ledd heimlar likevel høve til at fonda kan plassere inntil 10 % av sine middel i verdipapir som ikkje er noterte, under dette ikkje børsnoterte aksjar. Det var departementet si meining at verdipapirfonda sine avgrensa høve til å plassere middel i aksjar som ikkje er noterte, jf. verdipapirfondlova § 4-4 andre ledd, òg skulle gjelde for middel som vert plasserte innafor ordninga med aksjesparing med skattefrådrag. Ved ein inkurie viser skattelova § 44 ellevte ledd nr. 2 bokstav d til verdipapirfondlova § 4-4 tredje ledd i staden for til andre ledd. Tredje ledd regulerer fonda sine høve til å plassere middel i partar i verdipapirfond som er forvalta av eit anna forvaltningsselskap.

       Departementet gjer framlegg om at skattelova § 44 ellevte ledd nr. 2 bokstav d vert retta opp slik at det vert vist til riktig ledd i verdipapirfondlova § 4-4, nemleg andre ledd. Departementet syner til utkast til lovvedtak. Opprettinga gis verknad frå og med inntektsåret 1994.

Komiteens merknader

       Komiteen slutter seg til Regjeringens forslag.