Komiteen peiker på at
ein gjennom gode og stabile rammevilkår for næringslivet
må legga til rette for verdiskaping og vekst i heile landet.
Dette er avgjerande for framtida til velferdssamfunnet. Næringspolitikken
blir såleis viktig for å oppretthalda velferdssamfunnet
i tillegg til å sikra sysselsetting og arbeid til alle.
Komiteen vil understreke behovet
for langsiktige og stabile rammevilkår, i tillegg til behovet
for ein aktiv og målretta næringspolitikk.
For å oppretthalda konkurransekrafta
til norsk næringsliv, er det avgjerande med orden i økonomien og
difor må det ikkje førast ein for ekspansiv budsjettpolitikk.
I tillegg må det, innafor det handlingsrommet me har, etablerast
et sett av verkemidlar, ordningar og programmer som legg til rette
for nyskaping og nyetableringar, og som kan nyttast på ulike
stadium i ein in-novasjons- og nyskapingsprosess.
Komiteen viser til at Noreg er
ein stor maritim nasjon og har eit av verdens beste maritime miljø,
noko som mellom anna den næringsklynga som har utvikla seg
og den høgt kompetente verfts- og leverandørindustrien
synar. Næringa opplever auka internasjonal konkurranse,
og det er ein stor utfordring å bevara den maritime kompetansen. Komiteen understrekar såleis
behovet av å oppretthalde og vidareutvikla stabile konkurransevilkår
for næringa, gjennom å sikre gode rammevilkår
for reiarlaga og for norske sjøfolk.
Komiteen synar til at til at
utbygging av breiband er viktig for verdiskaping i næringslivet
og modernisering av offentlig sektor. Utbygging av breiband til heile
landet er utgangspunktet for framtidas distriktspolitikk. Komiteen merker
seg at HØYKOM-distrikt får en større
andel av potten. Dette er positivt.
Komiteen meinar det er nødvendig
med tiltak som legg til rette for utbygging av breiband i områder
det ikkje er kommersielt grunnlag for slik utbygging, i tillegg
til at privat og offentleg etterspørsel etter breiband
stimulerast gjennom offentlege verkemiddel.
Komiteen meinar det
er viktig at matvaretryggleik vert prioritert, og at ein innan landbrukspolitikken
har stor fokus på trygg mat av god kvalitet. Dette krev
eit forbrukarretta landbruk som legg til rette for auka mangfald
og nyskaping. Dette er òg viktig for å trygga grunnlaget
for det norske landbruket i åra framover. Komiteen støtter
såleis opprettinga av mattilsynet, og målet om
eit økologisk landbruk.
Det er etter komiteen sitt syn
viktig å nytte verkemidlar som legg til rette for at jordbruket
gis høve til sysselsetting og inntekt. Dette er viktig
for landbruket sitt bidrag til busetting og sysselsetting i distrikta.
Samstundes er det viktig med tiltak som bidreg til omstillingar
i heile matvarekjeda og forenkling av virkemiddelbruken.
Komiteen synar til at internasjonale
avtaleverk og marknadsforhold, mellom anna WTO og EØS, påverkar
handlingsrommet og rammevilkåra for den nasjonale mat-
og landbrukspolitikken. Komiteen vil understreka
kor viktig det er at Regjeringa i dei pågåande
WTO-forhandlingane aktivt bidrar til at handlingsrommet vert størst
mogeleg, samstundes som det er naudsynt, innenfor den ferdigforhandla
avtala, å føre ein aktiv norsk landbrukspolitikk
for framtida.
Komiteen legg stor
vekt på at Noreg har eit fortrinn innan fiskeri og havbruk,
og komiteen understrekar at potensialet for verdiskaping
i marin sektor er stort. Komiteen meiner marin sektor
er ein av dei sektorane ein bør bygge opp under i framtida.
Ein lønsam fiskeri- og havbruksnæring kan bidra
til å sikre busetting og verdiskaping i heile landet.
Komiteen peikar på at
fiskeripolitikken må baserast på ein berekraftig
forvaltning, der omsyn til bestanden og til næringsutøvarane
vert ivareteke. Det må i den samanhang førast
ein effektiv og målretta kontroll.
For å unngå store ulykker
langs kysten, er det viktig med auka fokus og auka innsats innan
den maritime trafikkontrollen.