Kriterium

• «Valet er ditt» er for barn/ungdommar som er elevar på 8.-10. trinn.
• Deltaking krev gode norskkunnskapar.
• Det må vere minst 10 elevar for å kunne spele «Valet er ditt».
• Det samla talet personar, inkludert lærarar/følgjespersonar, kan ikkje overstige 34. 

Praktisk informasjon

• Besøket varer i cirka 2,5 timar (inkludert tryggingskontroll, omvising og læringsspel).
• Det er gratis å delta i «Valet er ditt».
• Når du har bestilt besøk, vil du få ein e-post med informasjon du må set deg inn i.

Tilgjengelegheit og universell utforming

Stortinget er tilrettelagt for besøkjande med nedsett funksjonsevne.

Innhald i besøket

Besøket består av ei omvisning i stortingsbygningen, deretter læringsspelet «Valet er ditt».

I «Valet er ditt» skal elevane sjølv vere politikarar. Elevane gjer val og prioriteringar for framtidas Noreg, og får øvd seg på argumentasjon og debatteknikk.

Spelet startar med at elevane blir delt inn i grupper, som lagar partiprogramma sine. Partia presenterer  politikken sin for resten av klassen, og elevane utfordrar kvarandre på kvifor dei har prirotert som dei har gjort. Til slutt blir det avhalde val og det blir kåra ein vinnar. 

Klasseromsversjon av «Valet er ditt»

«Valet er ditt» finst også som klasseromsversjon. Dei to versjonane er like. Vi tilrår derfor at klassar som skal til Stortinget for å spele  «Valet er ditt» ikkje gjer det i klasserommet i tillegg. Det er ikkje mogleg å søkje om reisetilskot i samband med klasseromsversjonen av «Valet er ditt».

Sjå nettversjon av «Valet er ditt»