Skriftlig spørsmål fra Himanshu Gulati (FrP) til forsknings- og høyere utdanningsministeren

Dokument nr. 15:766 (2024-2025)
Innlevert: 05.01.2025
Sendt: 06.01.2025
Besvart: 14.01.2025 av forsknings- og høyere utdanningsminister Oddmund Hoel

Himanshu Gulati (FrP)

Spørsmål

Himanshu Gulati (FrP): Kan statsråden forklare om det er noen logisk begrunnelse for at norske studenter er utelatt fra studiestøtte fra Lånekassen om de studerer ved Dartmouth College, i motsetning til de øvrige syv Ivy League-universitetene i USA, og vil statsråden be Lånekassen se på om også norske studenter som lykkes med å komme inn på Dartmouth College bør kunne motta studiestøtte, istedenfor å la dette være det eneste av de syv Ivy League-universitetene hvor man ikke kan motta studiestøtte for å studere?

Begrunnelse

Studiestøtten er en viktig ordning for å gi norske studenter, uavhengig av økonomisk bakgrunn, lik mulighet til å skape sin egen fremtid gjennom muligheten til å finansiere høyere utdanning. Dette gjelder også dersom man velger å studere utenfor rikets grenser.
Ivy League-universitetene i USA regnes som noen av verdens tøffeste universiteter å komme inn på. Deres utdanninger regnes for å være av en kvalitet i verdensklassen. Vi bør således være stolte når norske studenter klarer å komme inn på disse og lignende universiteter. Studier ved disse universitetene krever ofte også et økonomisk bidrag utover det Lånekassen kan tilby.
Dartmouth College i New Hampshire, hvor en liten brøkdel av søkerne kommer inn, er et av de åtte Ivy League-universitetene. Det er imidlertid det eneste av disse åtte prestisjefulle universitetene hvor norske studenter ikke mottar studiestøtte om de de kommer inn.

Oddmund Hoel (Sp)

Svar

Oddmund Hoel: Eg er samd med representant Gulati i at det er viktig med ei utdanningsstøtteordning som gir norske studentar moglegheiter til å ta utdanning ved gode utdanningsinstitusjonar – både i Noreg og i utlandet. Samstundes er eg ikkje samd i antydingane om at dei noverande ordningane, slik dei er utforma, ikkje legg godt nok til rette for at studentar kan gjere gode utdanningsval i utlandet. Tvert imot meiner eg at ordningane for utdanning i utlandet er rause og gir studentar mange moglegheiter.
Alle norske studentar med opptak til eit studium har rett til basislån til livsopphald ved utdanningar som er godkjende for støtte. I Noreg gjeld dette alle studietilbod ved universitet, høgskular og fagskular som er akkrediterte av NOKUT. For studiar utanfor Norden gjeld dette studieprogram som kan gi grunnlag for generell godkjenning frå Direktoratet for høgare utdanning og kompetanse (HK-Dir) som jamstilt med norske bachelor-, master- og doktorgradsutdanningar. For studieåret 2024–2025 er satsane i snitt på 13 790 kr per månad, fordelt på 11 utbetalingar for studentar i Noreg og utbetalingar over to månadar for studentar i utlandet. Retten til basislån gjeld både i Noreg og i utlandet – og meir konkret, òg om ein har fått opptak ved Dartmouth College.
Det same gjeld for lån til skulepengar i utlandet. Norske studentar med opptak på godkjende studieprogram har rett til skulepengelån både i Noreg, i dei nordiske landa og i land utanfor Norden. Ved Dartmouth College, som representanten spør særskilt om, har norske studentar rett til ordinært skulepengelån etter § 88 i forskrift for utdanningsstøtte, på inntil 280 344 kr per studieår 2024–2025. Dette er på same måte som for annan utdanning i utlandet. At denne lærestaden ikkje gir rett til utdanningsstøtte – vera seg til livsopphald eller til skulepengar – er med andre ord ikkje korrekt.
Representant Gulati har likevel rett i at det finst ei ordning i Lånekassen som Dartmouth, i motsetnad til andre Ivy League-skular i USA, ikkje per i dag er ein del av: det utvida skulepengelånet for dekning av skulepengar ved utvalde lærestader i land utanfor Norden (forskrift om utdanningsstøtte § 89).
Denne ordninga gir norske studentar som søker opptak ved utvalde universitet og høgskular i land utanfor Norden moglegheit til å få eit ekstralån til skulepengar på inntil 365 751 kr per studieår 2024–2025 (ut over det lånet alle kan få). I tillegg til å tilby potensielt høge beløp, blir delar av lånet også gitt som stipend, noko som gjer ordninga svært attraktiv. Samstundes, som namnet på ordninga tilseier, gjeld lånet berre for utvalde lærestader av svært høg kvalitet. Utveljinga av lærestader for ordninga blir gjort av Direktoratet for høgare utdanning og kompetanse (HK-dir) basert på rangeringane i Academic Ranking of World Universities og The Times Higher Education World University Rankings. Ordninga er dermed dynamisk og omfattar dei 75 lærestadene med til ein kvar tid høgast samla rangering, ifølgje HK-dir si samanstilling av dei to rangeringane.
Dartmouth College er ikkje per i dag støtteberettiga etter denne ordninga, då lærestaden no er eit godt stykke frå å vere rangert blant dei 75 beste universiteta i dei nemnde rangeringane.