Frank Edvard Sve (FrP): Eg ber samferdselsministeren forklare grunnlaga for dei nedskiltingane av fartsgrenser som pr dato er gjeldande på strekninga frå Otta til Oslo på E6, leggje fram dokumentasjon og fagleg begrunnelse for dette for dei enkelte områda som har nedskilta fartsgrenser?
Begrunnelse
Eg har ved fleire spørsmål til samferdselsministeren stilt spørsmål om kritikkverdige skilting med nedsatt fartsgrenser for vegarbeide, i tidsrom der slett ikkje er vegarbeide.
Spesielt på E6 frå Otta til Oslo er dette meir "regelen eller unntaka" då det støtt og stadig er nedskilting av fartsgrensa pga vegarbeide, medan same skiltinga fortsetter å stå der meir eller mindre permanent i vekesvis, sjølv om anleggsmaskinene er vekk.
Dette gjelder også i helg og høgtid.
Eg har full forståelse for at nedskilting av fartsgrenser er heilt nødvendig når vegarbeide foregår eller der er vesentleg endringar av køyrebana som kan medføre fare ved normal fartsgrense for området.
Derimot er det vanskeleg å kunne fortså at der finnast grunnlag for nedskilting av 110 sone til 90 og vidare til 70 km/t, med bakgrunn i nokre meter rekkverk som er under utbetring. I tida der er anleggsmaskiner og fysisk arbeide ja, men ikkje i vekesvis utan anleggsarbeide.
Sjølv om eg fleire gongar har påpeika slurvete og mangelfull skilting som også transportnæringa reagerar på, har samferdselsministeren omtrent ikkje tatt dette på alvor, og svara frå ministeren har vore der etter.