Skriftlig spørsmål fra Frank Edvard Sve (FrP) til samferdselsministeren

Dokument nr. 15:425 (2024-2025)
Innlevert: 19.11.2024
Sendt: 20.11.2024
Besvart: 25.11.2024 av samferdselsminister Jon-Ivar Nygård

Frank Edvard Sve (FrP)

Spørsmål

Frank Edvard Sve (FrP): Kan samferdselsministeren gjere greie for kva tiltak som regjeringa har sett iverk for å skjerpe inn rutinane for midlertidig skilting, med tanke på maximal trafikktryggleik?

Begrunnelse

For ei tid tilbake hadde eg fleire spørsmål til samferdselsministeren ang. skilting og feilaktig bruk av skilt ved ulike vegarbeid.
Unødvendig og feil skiltbruk har slett ikkje blitt bedre, og framstår fortsatt både tilfeldig og slurvete håndtert.
Skilt blir fortsatt på E 6 frå Otta til Oslo og på Rv 15 ved ulike vegarbeid eller andre tiltak, utegløymt, enkeltskilt står igjen, skilt er ikkje fullstendige der det manglar opphevingsskilt, skilt står igjen på vegarbeider i helgane der dette ikkje er nødvendig osv.
Sågar har eg registrert automatiske lysskilt som pluttseleg på E6 i 110 sona brått er skilta 70, utan skilt verken før eller etter, og som åpenbart var feil.
Feil og mangelfull bruk av skilting medfører trafikkfare, og dette trudde eg statsråden hadde skjerpa inn.

Jon-Ivar Nygård (A)

Svar

Jon-Ivar Nygård: To ulike omsyn kan vere årsak til at det blir sett opp skilt om nedsett fartsgrense på ei vegstrekning: Det kan vere for å sikre dei som jobbar på eller langs vegen, eller for å ta vare på tryggleiken til trafikantane. Ofte vil det vere begge delar.
Fartsgrensa kan bli sett ned i ein periode av grunner som ikkje er synlege for trafikantane. Det kan til dømes vere skadar på vegen eller vegutstyret som gjer at det ikkje er forsvarleg å køyre i farten som vanlegvis er lovleg på strekninga.
Tryggleiken til trafikantar og vegarbeidarar kjem først, men det er også viktig å sikre framkomma for trafikantane. Derfor skal slike skilt ikkje stå oppe lengre enn høgst nødvendig.
I nokre tilfelle skal den mellombelse fartsgrensa opphevast når det ikkje vert arbeidd på vegen. Andre gonger er det forhold i arbeidsområdet som gjer at hastigheita er skilta ned, også når vegarbeidet er avslutta for arbeidsdagen. Det kan til dømes vere at rekkverket manglar eller at det står maskiner eller anna utstyr like utanfor vegbana.
Det er strenge krav til korleis eit arbeidsområde skal vere skilta, og til korleis entreprenørar skal følge vedtekne planar for slik skilting. Likevel veit vi at dette ikkje alltid vert gjort slik det skal, og at det vert gløymt å ta ned skilt. Statens vegvesen følger opp brot på arbeidsvarslingsplanar gjennom kontrollverksemd og sanksjoner ut frå tilgjengelege ressursar.
Når det gjeld vegarbeid i 110-sone, er det alltid krav om å trappe ned hastigheita gradvis når fartsgrensa vert sett ned til 70 km/t. Har fartsgrensa brått endra seg frå 110 km/t til 70 km/t som representanten beskriver i grunngevinga for spørsmålet, har dette vore ein feil i skiltinga. I nokre høve kan forklaringa vere at elektroniske variable skilt ikkje blir endra tilbake til normal eller skrudd av på grunn av teknisk feil. Dersom slike einskilde skilt viser openberre feil, er vegtrafikksentralen glade for å få tilbakemelding om dette frå publikum, slik at ein kan få kalla ut entreprenør for å reparere feilen.