Spørsmål

Frank Edvard Sve (FrP): Vil samferdselsministeren ta initiativ til å få på plass digitale skilt for flyttbare vegskilt til bruk ved veganlegg og ellers ved behov?

Begrunnelse

I mange år har vi debattert muligheita for å kunne få på plass digitale skilt. Dette er spesielt viktig ved vegarbeide der skilt blir ståande med feil skilting både i helger og i ferietider, samt at det blir glømt att skilt lett henslengt langs vegane, også på E6 til tider og utider. Slikt skaper farlige situasjoner, og kunne enkelt blitt håndtert ved digitale skilt som slår seg på når ein ønsker dette, og der ein kan endre fartsgrenser etter behov.
No registrerer eg at digitale skilt kjem opp på fleire vegar som permanente informasjonsskilt, og vi lever tross alt i 2026 der dette hadde vore ei svært enkel sak å få på plass også for flyttbare skilt.
Istaden ser vi dagleg skilt langs dei viktigaste vegane her i landet, som er anten forsøkt snudd eller står henslengt på dei merkligaste måtane i samband med pågåande eller avslutta vegarbeide.
Eg har stilt mange spørsmål til samferdselsministeren ang desse foholda, utan at det ser ut til å bli reagert ein tøddel!

Svar

Jon-Ivar Nygård: Å sikre god framkomst ved vegarbeid er viktig.

Som det tidlegare er orientert om i mitt svar 19. desember 2023 på spørsmål nr. 697 frå stortingsrepresentant Sve, er mobile digitale skilt i bruk i dag, men i avgrensa grad. Teknologien er kostbar, og det er få slike skilt på marknaden. Etter kvart som teknologien blir meir moden og kostnadene går ned, vil nok bruken auke. Slik som marknaden og dei tekniske løysingane er no, vil det vere alt for kostbart å krevje digitale fartsgrenseskilt ved vegarbeid.

Dei permanente digitale friteksttavlene som det no blir fleire av langs norske vegar, blir mellom anna brukt til å varsle vegarbeid.

Som forklart i nemnde svar, er det ikkje ein eintydig samanheng mellom fartsgrensa og at det er arbeid på vegen. Sjølv om det ikkje er arbeidsfolk eller maskiner i vegen, er det ofte andre tilhøve på og langs vegen som gjer at fartsgrensa er sett ned gjennom eit arbeidsområde. Til dømes kan det vere utstyr og grøfter, manglande rekkverk osv. langs vegen som gjer at det av omsyn til trafikktryggleiken ikkje er forsvarleg å køyre i ordinær fart.