Spørsmål

Erling Sande (Sp): Korleis vil statsråden følgje opp Stortinget sitt vedtak frå februar om å sikre skadepoliklinikktilbodet ved lokalsjukehusa i Nordfjord og Sogn, og kva styringssignal har statsråden gjeve helseforetaket med bakgrunn i stortingsvedtaket?

Begrunnelse

Stortinget sitt fleirtal fatta i februar vedtak om skadepoliklinikktilbodet ved lokalsjukehusa i Sogn og Fjordane. Då tilbodet knytt til føde og akuttmedisin ved lokalsjukehusa vart sterk redusert for nokre år sidan, vart skadepoliklinikk av Arbeiderpartiet vist til som eit viktig element i det som vart kalla framtida sitt sentralsjukehus. Når Helse Førde no har peika på reduksjon skadepoliklinikkane som eit av innsparingstiltaka dei vurderer er det mellom anna for å kunne betale kapitalkostnader til staten knytt til investeringar helseforetaket har gjennomført. Stortingsfleirtalet har på si side gjort vedtak om at skadepoliklinikkane skal halde fram. Det er difor viktig å få synleggjort korleis regjeringa tolkar vedtaket Stortinget gjorde i februar, og korleis regjeringa følgjer opp Stortinget sitt vedtak ovanfor helseforetaket.

Svar

Svaret er ennå ikke tilgjengelig