Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:3120 (2024-2025) Innlevert: 12.09.2025 Sendt: 12.09.2025 Besvart: 19.09.2025 av samferdselsminister Jon-Ivar Nygård
Ingrid Fiskaa (SV): Kontraktsignering for tunnelprosjektet frå Lovraeidet til Rødsliane i Suldal skulle skje 15. september. Strekninga er mellom dei mest rasutsette i landet. 11. september meldte Statens vegvesen at både signering og byggestart er utsett, og forklarer det med at den avsette økonomiske ramma for prosjektet er for lita.Kan regjeringa lova at det vedtatte prosjektet blir finansiert og gjennomført, utan fleire forseinkingar?
Jon-Ivar Nygård: Eg viser til Stortinget si behandling av Prop. 88 S (2023–2024) Utbygging og finansiering av E134 Oslofjordforbindelsen byggetrinn 2 i Akershus, kostnadsramme for rv. 13 Lovraeidet–Rødsliane i Rogaland og forskotering i vegsaker og Innst. 333 S (2023–2024), der Stortinget fatta vedtak om kostnadsramme for prosjektet rv. 13 Lovraeidet–Rødsliane. Statens vegvesen fekk delegert fullmakt til å forplikte staten for prosjektet i supplerande tildelingsbrev nr. 13 2024, datert 3. juli 2024. Statens vegvesen gjennomfører no ein anbodsprosess for prosjektet og har vore i dialog med fleire entreprenørar. Samferdselsdepartementet er gjort kjent med at vedståingsfristen er utsett til 10. oktober 2025. Statens vegvesen arbeider for å realisere prosjektet innanfor dei rammene Stortinget har vedtatt. Statens vegvesen tar sikte på anleggsstart i 2025, men det kjem an på den pågåande anbodsprosessen. Dersom det skulle vise seg at det ikkje er mogleg å gjennomføre prosjektet innanfor gjeldande kostnadsramme vil eg komme tilbake til Stortinget på egna måte.