Begrunnelse

Eit knippe faghistorikarar har sett nært på alle israelske selskap som SPU er investert i, grunna openberr risiko for bidrag til okkupasjon eller krenking av individets rettar i krig og konflikt. Dei har funne fleire titals døme på selskap som, med open tilgjengeleg informasjon, viser seg å medføra uakseptabel risiko for dei grove brotsverka som no blir utført mot palestinske barn og vaksne.
Av mindre kjende døme er Israel Chemicals, ICL Group, som har hatt verksemd på den okkuperte Vestbreidda og Dødehavet i snart hundre år i tillegg til at det er høg risiko for at selskapet produserer kvitt fosfor som blir seld via USA til IDF. Eit anna døme er Delek Motors, som leverer tenester til biltransport på okkupert land på liknande måte som nyleg ekskluderte Paz Retail and Energy. Eit tredje er Azrieli Group, kategorisert som "Real Estate" av NBIM men er uløyseleg knytt til Azrieli Foundation som gir tusenvis av dollar til skular på okkupert område og tilskot til IDF.
Desse døma gir innsikt i kor tilfeldig Etikkrådets tilrådingar faktisk er, fordi ingen av desse selskapa er ekskluderte eller sett under observasjon så vidt kjent i offentlegheita.