Erling Sande (Sp): Pukkindustrien melder om ei betydeleg auke i saksbehandlingstida for å kunne drive med mottak av massar som skal deponerast på ein trygg og sikker måte.
Kan statsråden stadfeste om dette medfører riktigheit og om det i så tilfelle vil bli tatt initiativ frå departementet si side til igangsetting av grep som kan forenkle søknadsprosessane og vidare korte ned saksbehandlingstida?
Begrunnelse
Pukkverka har fleire viktige funksjonar, herunder mottak av massar som skal deponerast på ein trygg og sikker måte. Det gjeld både massar som blir definert som avfall og som ikkje kan gjenbrukast/ombrukast, men det meste av massane pukkverka mottar blir lagra før dei blir bearbeidd til nye produkt.
Pukkverkindustrien er sterkt lovregulert, og det skal den fortsatt vere. Den siste tida melder dog industrien om at dei over dei siste åra opplever eit stadig aukande byråkrati, og lengre saksbehandling på løyve dei er avhengige av for å drive lovleg og seriøst.
Spesielt dreier dette seg om søknader for å ta imot reine massar til deponi. Alle bedrifter som mottar massar til deponi, enten massane er forureina eller ikkje, må søke om godkjenning etter avfallsforskrifta i forureiningslova. Det er statsforvaltaren som behandlar desse søknadene på vegne av Miljødirektoratet.
Bedrifter i industrien melder om at dette er ei godkjenning ein tidlegare fekk innan 6-7 månader, men at ein no opplever at det er søknadsprosessar hos enkelte statsforvaltarar (som godkjenner på vegne av Miljødirektoratet) som tar opp mot 2 år.