Alfred Jens Bjørlo (V): Noreg er elbil-land nr. 1. I 2025 skal alle nye bilar vere elbilar, og det er krav om elbil i drosjeløyve og offentlege bilkjøp. Likevel er ladeinfrastrukturen mange stader fråverande, til dømes i ytre del av Stad kommune i Vestland, eitt av landets mest populære reisemål om sommaren. Her er den einaste ladestasjonen fjerna, og kommune og offentleg eigde ladeselskap skuldar på kvarandre og driv «peikeleiken».
Kva vil Statsråden gjere for at det skal bli reelt mulig å lade elbil og bevege seg utsleppsfritt over heile landet?
Begrunnelse
Den tidlegare ladestasjonen i Selje/Stadlandet var eigd og driven av "Mer", som er eit selskap heileigd av staten gjennom Statkraft. Dei vil no ikkje lenger drive ladestasjon i Selje/Stadlandet utan at kommunen betaler for det. Eitt anna stort ladeselskap på Vestlandet, Eviny, er også heileigd av det offentlege (stat, fylkeskommune og kommuner) - men seier i media at det er unødvendig med ladestasjon på Stadlandet på grunn av "ikkje så lang avstand til Nordfjordeid og Måløy". Frå ytst på Stadlandet er det ca. 1 time og 30 minutt køyring til Nordfjordeid eller Måløy. Dersom offentleg eigde aktørar reknar så lang reisetid til næraste ladestasjon som "heilt greitt" - for ein region der det bur fleire tusen menneske og det er svært stor turisttrafikk om sommaren - då er det interessant å høyre om statsråden meiner dette er tilfredsstillande - og i tilfelle ikkje: Kva han vil gjere med det.