Sigbjørn Gjelsvik (Sp): Kor mange kontrollar vart gjennomført i 2024 for å avdekke ulovleg bruk av utanlandsregistrert bil i Noreg, og kor mange tilfelle av slik ulovleg bruk vart avdekt?
Begrunnelse
Det kan gje store føremoner for useriøse aktørar og einskildpersonar å bruke utanlandsk køyretøy ulovleg i Noreg. Til dømes kan ein unndra seg eingongsavgift og bompengar. NRK avslørte 24. februar 2025 at det i 2024 har vore ein stor auke i bompasseringar av rumenskregistrerte bilar. I fall dette er ein trend, er det viktig at det vert teke naudsynte grep for å stogge utviklinga.