Birgit Oline Kjerstad (SV): Premieavviket, differansen mellom faktiske og bokførte pensjonskostnader, kan påvirke kommuner sin likviditet negativt som fylgje av måten kommunene får kompensert kostnadane på etter det såkalla amortifiseringsprinsippet.
Blir pensjonsavviket utrekna for kvar einskild kommune sine faktiske kostnader, og korleis ser pensjonsaviket då ut for kommuner som til dømes Kvæfjord og Vestnes, som i si tid tok over store fylkeskommunale institusjonar inkludert pensjonsavtalane ved institusjonane?
Begrunnelse
I eit svar i Klassekampen 30 desember 2024, til Tobias Dreveland Lund og Torstein Dahle, innrømmer statssekretæren i KDD at det så kalla premieavviket kan føre til svekka likviditet i kommuner når kostnadane kommunene får kompensert er mindre enn dei faktiske pensjonskostnadene kommunene har. Pr.31.12.2023 var det akkumulerte pensjonsaviket på heile 65 mrd. kroner. Kurvene som syner pensjonsavviket i Kommuneproposisjonen for 2025, viser at avviket har auka kraftig særleg siste åra. Kurvene syner det samla pensjonsavviket, men ikkje verdiane for kvar einskild kommune.