Ingrid Fiskaa (SV): Korleis vil statsråden sikra at Noreg framleis gjer seg mest mogleg nytte av dei største lokalt forankra globale humanitære kontaktflatene gjennom dei strategiske humanitære partnerskapa med norske organisasjonar?
Begrunnelse
I ein situasjon med auka globale humanitære behov, eit stadig større finansieringsgap og større geopolitiske spenningar, inngår Noreg i desse dagar nye strategiske humanitære partnarskap med norske organisasjonar. Forvaltninga av ordninga har blitt flytta frå UD til Norad, men i tråd med Noregs humanitære strategi skal ordninga «vidareførast» som eit sentralt verkemiddel for å nå dei humanitærpolitiske målsettingane og prioriteringane våre.
Den nye Trump-administrasjonen gjer rammene både for utanrikspolitikken og utviklingspolitikken meir uføreseielege. I denne situasjonen er Noreg tent med å ha mange kontaktflater, også i ulike globale, humanitære nettverk der strategiske partnarar kan fremma norske humanitærpolitiske prioriteringar.
Samtidig er den globale humanitære situasjonen meir krevjande enn på lenge, med aukande behov og mindre pengar tilgjengeleg, og dermed eit veksande finansieringsgap. Som den norske humanitære strategien slår fast, tilseier denne situasjonen auka vekt på kostnadseffektivitet, også gjennom auka lokalt leia humanitær innsats.