Ingrid Fiskaa (SV): Er finansministeren einig i at Noregs Bank gjennom forvaltningsmandatet og uavhengig av Etikkrådets tilrådingar er forplikta til å ta omsyn til FNs rettleiande prinsipp for næringsliv og menneskerettar og OECDs retningslinjer for fleirnasjonale selskap, herunder kravet til skjerpa aktsemdsvurderingar i konfliktområde?
Begrunnelse
Ifølge Oljefondets mandat skal fondet forvaltast etter "hensynene til god selskapsstyring, miljø og samfunnsmessige forhold i forvaltningen i tråd med internasjonalt anerkjente prinsipper og standarder som FNs Global Compact, FNs veiledende prinsipper for næringsliv og menneskerettigheter (UNGP), G20/OECDs retningslinjer for selskapsstyring og OECDs retningslinjer for flernasjonale selskaper." Desse retningslinjene er tydelege på at det skal gjerast skjerpa aktsemdsvurderingar i konfliktområde: Ifølgje OECDs retningslinjer skal selskap i konfliktsituasjonar respektera humanitærretten og gjennomføra skjerpa aktsemdsvurderingar.
Som Oljefondets kommunikasjonssjef Line Aaltvedt uttaler i Børsen-Dagbladet tidlegare denne månaden, kan nedsal vera eit alternativ i enkelte situasjonar.
Oljefondet er investert i ei rekkje selskap svartelista av FN for å bidra til den ulovlege okkupasjonen av palestinske område. Slik som amerikanske Caterpillar som lagar bulldosarar brukt av Israels hær i okkuperte område. Fondet er også investert i ei rekkje våpenselskap som leverer våpen til Israel.