Alfred Jens Bjørlo (V): Fiskeri- og havministeren har informert Stortinget om at ho tar sikte på å fremme eit nytt regelverk for fiskeoppdrett på land «tidlig i høst». Stortinget vedtok i april å be regjeringa fremme forslag om ei teknologinøytral miljøfleksibiltetsordning i løpet av 2024 for å få fart på utviklinga av låg- og nullutsleppsteknologi for redusere utslepp og lusepress.
Er regjeringa i rute med å ha på plass eit nytt regelverk for oppdrett på land «tidlig i høst» og miljøfleksordninga ferdig og klar til å bli implementert i løpet av 2024?
Begrunnelse
I desember 2022 innførte nærings- og fiskeridepartementet midlertidig stans for tildeling av nye oppdrettskonsesjonar på land. I mai 2023 sende Nærings- og fiskeridepartementet ut eit framlegg om endringar i regelverket for oppdrett på land på høyring.
I juli 2023 meldte departementet at fristen vart utvida og at Nærings- og fiskeridepartementet ville kome tilbake med innhaldet i forslag til funksjonskrav på eit seinare tidspunkt.
I januar 2024 informerte Statsråden Stortinget om at ho tok sikte på vi tar sikte på å få "..et nytt regelverk for landbasert akvakultur på plass tidlig i høst", jmf svar på Dokument nr. 15:925 (2023-2024). Omgrepet "tidlig i høst" vart ikkje definert i svaret, men etter underteikna sitt syn må dette som eit minstemål bety i løpet av oktober månad, gjerne før.