Begrunnelse

Ifølge Frifagbevegelse 15. februar har ikkje Kongsberggruppen full oversikt over kor delane dei produserer til F-35 flya endar opp. Ifølgje eigarskapsmeldinga er det statlege våpenselskapet forplikta til å vite kven som til sjuande og sist tek i bruk varene. Kunnskap om kjeda er ein føresetnad for å påsjå at ein som selskap ikkje bidreg til brot på humanitærretten.
Lagmannsretten i Nederland slo denne veka fast at det er ein "klar risiko for at Israels F-35 jagerfly blir bruka til å begå alvorlege brot på den internasjonale humanitærretten på Gazastripa". Retten pålegg den nederlandske regjeringa å stoppe vidare eksport av F-35 delar til Israel.
Statlege våpenselskap er forplikta til å gjere aktsemdsvurderingar, og me bør kunne legge til grunn at nye vurderingar har blitt gjort etter den 7. oktober, eller i det minste etter avgjerda i Den internasjonale domstolen 26. januar om å opne sak om folkemord. Gitt situasjonens alvor er dei statlege våpenselskapa sine vurderingar av offentleg interesse.