Møtet blei leidd av leiaren i utanrikskomiteen, Olav Akselsen.
Til stades var: Olav Akselsen, Vidar Bjørnstad, Dagfinn Høybråten, Siv Jensen, Alf Ivar Samuelsen, Ågot Valle, Finn Martin Vallersnes, Lars Sponheim, Ulf Leirstein, Per-Kristian Foss, Odd Einar Dørum, Lars Peder Brekk, Hans Frode Kielland Asmyhr, Kåre Fostervold, Sigvald Oppebøen Hansen, Leif Helge Kongshaug, Ingebrigt S. Sørfonn, Aud Kvalvik, Bård Hoksrud, Hallgeir H. Langeland, Arne Sortevik, Truls Wickholm.
Frå Regjeringa var utanriksminister Jonas Gahr Støre, statsråd Liv Signe Navarsete og statsråd Terje Riis-Johansen til stades.
Følgjande embetsmenn fekk tilgjenge til møtet: avdelingsdirektør Tore Raasaok, Samferdselsdepartementet, avdelingsdirektør Ola Brattegard, Samferdselsdepartementet, seniorrådgjevar Cathrine Steinland, Landbruks- og matdepartementet, seniorrådgjevar Halvard Kvamsdal, Helse- og omsorgsdepartementet, avdelingsdirektør Elisabeth Wilmann, Fiskeri- og kystdepartementet, ekspedisjonssjef Elisabeth Roderburg, Utanriksdepartementet, avdelingsdirektør Siri Sletner, Utanriksdepartementet, underdirektør Else Underdal, Utanriksdepartementet.
Vidare var Margit Tveiten, fung. sekretær, til stades.
Dagsorden:
- Orientering ved samferdselsministeren om aktuelle saker
- Orientering ved landbruks- og matministeren om EUs hygienepakke og eventuelle saker
- Redegjørelse ved utenriksministeren om aktuelle saker.
- Aktuelle rettsakter for møtet i EØS-komiteen 16. mars 2007. Se vedlagte brev fra Utenriksdepartementet, datert 1. mars d.å., med oversikt over de relevante rettsakter.
- Eventuelt
Medlemmane i transportkomiteen er innkalla for å delta under pkt.1.
Medlemmane i næringskomiteen er innkalla for å delta under pkt. 2.
Leiaren: Frå Regjeringa har det komme ønske om at ein tek sakene nr. 3 og 4 først. Eg reknar med at det ikkje er noke stort problem. Då kjem altså samferdselsministeren først og landbruks- og matministeren til slutt.
No er dette det første møtet sidan Stortinget behandla EØS-sakene, og me ser at Utanriksdepartementet, på den måten dei har sett opp EØS-rettsaktane, allereie har teke dette innover seg. Det synest me er positivt.
Det er likevel slik at det er det gamle reglementet og den gamle forretningsordenen som gjeld. Det betyr at i utgangspunktet skal referatet frå dette møtet ikkje offentleggjerast før om eit år. Men i forretningsordenen står det at ”forhandlingene i konsultasjonsorganet skal holdes hemmelig, dersom det ikke uttrykkelig er gjort vedtak om noe annet.” Med mindre statsrådane ønskjer at delar av innleiingane deira skal vera unnateke offentlegheit, kunne eg tenkja meg at me denne gongen gjer vedtak om at dette møtet blir offentleggjort så snart referata er tilgjengelege. Dersom ingen har noko mot det, gjer me det på den måten.
Så er det også slik at eg kanskje må gå frå møtet før det er slutt. Då har eg bedt Finn Martin Vallersnes om å ta over. Dersom ingen har noko mot det, seiar me at han er konstituert – dersom det blir aktuelt.
Då gjev eg ordet til utanriksministeren, til sak nr. 3 på dagsordenen.