Søk
Søk i saker og publikasjoner fra Stortinget og regjeringen og redaksjonelle artikler tilbake til 1996. For historiske saker, se eget søk.
Innledning
Staten og KS forhandlar med Den norske legeforeningen, Norsk Psykologforening og dei tre fysioterapeutorganisasjonane Norsk Fysioterapeutforbund, Norsk Manuellterapeutforening og Privatpraktiserende Fysioterapeuters Forbund om endringar i basistilskot, driftstilskot og folketrygdrefusjonar for legehjelp, psykologhjelp og fysioterapi som sikrar desse gruppene inntektsauke. I denne proposisjonen vert det fremja nødvendige løyvingsendringar som følgje av inngåtte avtaler med organisasjonane.
Basistilskot, driftstilskot og takstar for legar, psykologar og fysioterapeutar blir fastsette for perioden 1. juli til 30. juni påfølgjande år.
Løyvingsendringar
Kap. 571 Rammetilskudd til kommuner
Post 60 Innbyggertilskudd
Det vert gjort framlegg om å auke posten med 236,7 mill. kroner. Basistilskotets del av finansieringa av fastlegane skal aukast frå 1. juli 2025. Det er kommunane som utbetalar basistilskotet, og rammetilskotet til kommunane skal aukast med 236,7 mill. kroner for å finansiera dette i staden for at posten for refusjonar mv. for legane vert tilført desse midlane.
Kap. 2711 Spesialisthelsetjeneste mv.
Post 70 Spesialisthjelp
Avtala med legeforeininga medfører ein auke i honorarinntekta til avtalespesialistane tilsvarande 5,14 pst. Dette gjev ein auke i folketrygdas utgifter til refusjonar mv. til legane på 96,5 mill. kroner i 2025.
Post 71 Psykologhjelp
Avtala med psykologforeininga medfører ein auke i honorarinntekta til psykologane tilsvarande 3,6 pst. Dette gjev ein auke i folketrygdas utgifter til refusjonar mv. til psykologane på 10,5 mill. kroner i 2025.
Kap. 2755 Helsetjenester i kommunene mv.
Post 70 Allmennlegehjelp
Avtala med legeforeininga medfører ein auke i honorarinntekta til fastlegane tilsvarande 0,3 pst. Dette gjev ein auke i folketrygdas utgifter til refusjonar mv. til legane på 65 mill. kroner i 2025.
Post 71 Fysioterapi, kan nyttast under post 62
Avtala med fysioterapiorganisasjonane medfører ein auke i honorarinntekta til fysioterapeutane tilsvarande 5,6 pst. Dette gjev ein auke i folketrygdas utgifter til refusjonar mv. til fysioterapeutane på 91,5 mill. kroner i 2025.