Helse- og omsorgsdepartementet
legg i proposisjonen fram forslag til endringar i bioteknologiloven. Departementet
foreslår eit forbod mot genetisk testing av barn under 16 år utanfor
helsetenesta. Videre foreslår departementet å endre reglane for
preimplantasjonsdiagnostikk (PGD).
Departementet foreslår ikkje å endre hovudvilkåret for
å kunne tilby preimplantasjonsdiagnostikk, det vil seie kravet om
at det må vere fare for å overføre ein alvorleg arveleg sjukdom.
Men departementet foreslår å ta inn i lovteksten nokre av momenta
det skal leggjast vekt på i vurderinga av kor alvorleg den aktuelle
sjukdommen eller tilstanden er. Dette er blant anna om sjukdommen
eller tilstanden gir redusert livslengd, kva smerter eller belastningar
sjukdommen eller behandlinga fører med seg, og kva behandlingsmoglegheiter som
finst. Det skal òg leggjast vekt på korleis det er å leve med sjukdommen.
Departementet foreslår også å opne for å tilby preimplantasjonsdiagnostikk
i nokre særlege tilfelle sjølv om berartilstand hos ein av dei kommande
foreldra ikkje er påvist.
Departementet skriv at endringane i reglane
for preimplantasjonsdiagnostikk inneber auka kostnader på angslagsvis
7 mill. kroner per år.
Resten av dei foreslåtte endringane vil ikkje
føre til økonomiske eller administrative konsekvensar av betydning.