Komiteen, medlemene frå Arbeidarpartiet, Åse Kristin Ask Bakke, Mona Nilsen og Torstein Tvedt Solberg, frå Høgre, Turid Kristensen og Tage Pettersen, frå Senterpartiet, Margrethe Haarr og Åslaug Sem-Jacobsen, frå Framstegspartiet, Silje Hjemdal, frå Sosialistisk Venstreparti, Audun Hammer Hovda, og frå Venstre, leiaren Grunde Almeland, støttar forslaga frå regjeringa i proposisjonen.

Komiteen viser til omtala av kap. 844 post 70, om kontantstøtte. Her vert det påpeikt at om lag 4 400 personar hausten 2024 vil få kontantstøtte for ein månad ekstra grunna utilsikta konsekvensar av lovendringane gjorde på bakgrunn av Prop. 43 L (2023–2020), jf. Innst. 237 L (2023–2024). Dette har ført til utilsikta meirutgifter. Komiteen vil vise til at desse utilsikta konsekvensane vert retta i samband med komiteen si handsaming av Prop. 29 L (2024–2025), i Innst. 71 L (2024–2025).