Samferdselsdepartementet legg i proposisjonen fram
nokre saker som gjeld luftfartsformål, vegformål, særskilde transporttiltak
og jernbaneformål. Det blir og gjort greie for oppfølginga av fire
oppmodingsvedtak som Stortinget har bedt regjeringa kome tilbake
til i samband med revidert nasjonalbudsjett 2016.
Under luftfartsformål tek departementet opp
utskiljing av Svalbard lufthamn.
Under vegformål tek departementet opp fleire
saker: Innkrevjing av lokalt finansieringstilskot på omsetning av
drivstoff i Tromsøpakke 3, trinn 1, E18 Varoddbrua i Vest-Agder,
forlenga førehandsinnkrevjing av bompengar på E39 Rogfast, og samanslåing
av Norsk vegmuseum og Norsk kjøretøyhistorisk museum. Vidare tek
departementet opp avslutning av bompengeinnkrevjing på rv 23 Oslofjordforbindelsen
og organisering av Vegtilsynet.
Under særskilde transporttiltak tek departementet
opp organisering av oppgåver i samband med reiseplanlegging og elektronisk
billettering.
Under jernbaneformål tek departementet opp ERTMS-prosjektet.
Departementet gjer greie for auka kostnader i prosjektet i samband
med erfaringssstrekninga, og auka omfang og kostnader for ERTMS/fjernstyring.
Vidare gjer departementet greie for prisreduksjon på periodebillettar
hos NSB AS, og status for arbeid med jernbanereforma.
I proposisjonen blir det og gjort greie for
oppfølginga av oppmodingsvedtak som Stortinget har bedt regjeringa
gi tilbakemelding på i samband med revidert nasjonalbudsjett 2016.
Det gjeld vedtak 52, vedtak 53, vedtak 54 og vedtak 80.