Regjeringa v/Nærings- og fiskeridepartementet gjer
i proposisjonen framlegg om desse endringane på statsbudsjettet
for 2015:
Løyvinga på posten dekkjer utgifter knytte til bygging
av nytt isgåande forskingsfartøy.
Havforskingsinstituttet har ansvaret for å gjennomføre
anskaffinga, og har inngått kontrakt med verftsgruppa Fincantieri
om bygging av fartøyet. Mellom anna på grunn av tilleggsavtale mellom
Havforskingsinstituttet og verftet om ytterlegare betaling og forskyving
av framdriftsplanen er det ikkje mogleg å gjennomføre kontraktsfesta
utbetalingar i tråd med faktisk framdrift innanfor den løyvinga
som er vedteken på posten for 2015.
På denne bakgrunn gjer departementet framlegg om
å auke løyvinga med 109,8 mill. kroner. Dette påverkar ikkje den
totale kostnadsramma for prosjektet.
Løyvinga dekkjer utgifter knytte til oppdragsaktiviteten
og motsvarast av tilsvarande inntekter under kap. 3927 post 1. Oppdragsaktiviteten
har blitt mindre enn det som blei lagt til grunn i saldert budsjett
2015.
På denne bakgrunn gjer departementet framlegg om
å redusere løyvinga med 17,4 mill. kroner.
Det vil venteleg bli høgre utgifter på denne
posten som følgje av høgare anslag på førstehandsverdien på omsetjing
av fisk i 2015 enn det som vart lagt til grunn ved budsjetteringa
av posten.
På dette grunnlaget gjer departementet framlegg om
å auke løyvinga med 29 mill. kroner.
Departementet syner til omtale under kap. 927 post
21 og gjer framlegg om å redusere løyvinga med 17,4 mill. kroner.
Komiteen, medlemene frå Arbeidarpartiet,
Christian Tynning Bjørnø, leiaren Trond Giske, Martin Henriksen,
Tone Merete Sønsterud og Marianne Aasen, frå Høgre, Henrik Asheim,
Norunn Tveiten Benestad, Kent Gudmundsen og Kristin Vinje, frå Framstegspartiet, Sivert
Bjørnstad og Bente Thorsen, frå Kristeleg Folkeparti, Anders Tyvand, frå
Senterpartiet, Anne Tingelstad Wøien, frå Venstre, Iselin Nybø,
og frå Sosialistisk Venstreparti, Torgeir Knag Fylkesnes,
har ikkje merknader og sluttar seg til proposisjonen.
Komiteen syner til
proposisjonen og rår Stortinget til å gjere slikt
vedtak:
I statsbudsjettet for 2015 blir det gjort
følgjande endringar:
Kap. | Post | Formål | Kroner |
Utgifter |
926 | | Forskingsfartøy | |
| 45 | Større utstyrsanskaffingar og vedlikehald, kan overførast, blir auka med | 109 800 000 |
| | frå kr 351 300 000 til kr 461 100 000 | |
927 | | NIFES | |
| 21 | Særskilde driftsutgifter, kan overførast,
blir redusert med | 17 400 000 |
| | frå kr 80 113 000 til kr 62 713 000 | |
928 | | Annan marin forsking og utvikling | |
| 21 | Særskilde driftsutgifter, kan overførast,
blir auka med | 29 000 000 |
| | frå kr 151 000 000 til kr 180 000 000 | |
| | | |
Inntekter |
3927 | | NIFES | |
| 1 | Oppdragsinntekter, blir redusert med | 17 400 000 |
| | frå kr 83 913 000 til kr 66 513 000 | |
Oslo, i kyrkje-, utdannings- og forskingskomiteen, den 1. desember 2015
Trond Giske | Marianne Aasen |
leiar | ordførar |