Det blir i dokumentet fremja følgjande forslag:
«Stortinget ber regjeringa gjennomgå LAR-ordninga
i Noreg og fremje tiltak som sikrar kvaliteten i tilbodet og reduserer
overdose ved dødsfall i LAR.»
LAR (legemiddelassistert rehabilitering) vart
innført i Noreg i 1998. Formålet med ordninga var å gi personar
med opioidmisbruk auka livskvalitet og redusere skadane av opioidmisbruk,
samt bidra til å redusere talet på overdosedødsfall. LAR-ordninga
omfattar i dag om lag 7 000 pasientar.
Det blir vist til rapporter frå Senter for rus-
og avhengighetsforskning (SERAF) og Statens institutt for rusmiddelforskning
(SIRUS).
Undersøkingar viser at bare 34 prosent av LAR-pasientane
har ein utarbeida individuell plan. Forslagsstillarane meiner at
den lave bruken av individuell plan viser at kvaliteten i tilbodet
er for dårleg, og at arbeidet med individuell plan må vere eit satsingsområde.
Forslagsstillarane meiner det trengs meir kunnskap
om kvaliteten i LAR-behandlinga blant innsette i fengsel og spesifikke
tiltak for å hindre lekkasje av medisin og tiltak for å sikre rehabiliteringsdelen
av ordninga.
Forslagsstillarane meiner det er viktig at LAR-ordninga
fungerer etter intensjonen, og at kvaliteten i tilbodet vert sikra.
De meiner òg det trengs meir kunnskap og forsking om LAR, og at det
bør gjerast ny kunnskapsinnhenting om langtidseffektane hjå borna
som er født i LAR.