Komiteen, medlemene frå Arbeidarpartiet, Else-May Botten, Lillian Hansen, Arne L. Haugen, Ingrid Heggø og leiaren Terje Aasland, frå Framstegspartiet, Per Roar Bredvold, Harald T. Nesvik og Torgeir Trældal, frå Høgre, Frank Bakke-Jensen, Torgeir Dahl og Svein Flåtten, frå Sosialistisk Venstreparti, Alf Egil Holmelid, frå Senterpartiet, Irene Lange Nordahl, og frå Kristeleg Folkeparti, Rigmor Andersen Eide, er samde med regjeringa i at tenestetida for styremedlemmene i Innovasjon Norges hovudstyre vert endra frå fire til to år, og at lov om Innovasjon Norge § 15 vert endra i tråd med dette. Komiteen er kjend med at det ikkje kom inn merknader til endringsframlegget frå høyringsinstansane, og er einig i at dette gjev fleksibilitet, samtidig som det ikkje er til hinder for ønska kontinuitet i hovudstyret sitt arbeid.

Komiteen er kjend med at det i samband med implementering av delt eigarskap i Innovasjon Norge og framlegg frå Kommunal- og regionaldepartementet er identifisert behov for å tydeleggjera enkelte paragrafer i lova slik at lova uttrykkeleg heimlar ei slik distriktsretta garantiordning. Presiseringane gjeld også eksisterande distriktsretta risikolåneordning.

Komiteen støttar desse endringane i lova, slik at det klart framgår at selskapet kan finansiere verksemda si ved lån, garantiar og tilskot frå fylkeskommunane og andre offentlege aktørar.

Komiteen støttar også presiseringane i lova om at kommunelova § 51 ikkje gjeld for indirekte garantiar som fylkeskommunane stiller ovafor selskapet, og at lova regulerar ansvar som oppstår også under løpande drift.

Komiteen støttar også at overgangsbestemmelsane vert oppheva, og dei andre oppdateringane og språklege endringar som vert foreslegne, og har ingen ytterlegare merknader.

Fleirtalet i komiteen, medlemene frå Arbeidarpartiet, Sosialistisk Venstreparti og Senterpartiet, er kjend med at evalueringa av Innovasjon Norge har vore ute på høyring, og at høyringsfristen var 1. februar 2011, og fleirtalet ser fram til at Stortinget får saka til behandling.

Komiteens medlemmer fra Fremskrittspartiet og Høyre viser til evalueringsrapporten om Innovasjon Norge (IN) som ble utarbeidet av Econ Pöyry sommeren 2010. Disse medlemmer forutsetter at Stortinget i løpet av 2011 får fremlagt egen sak hvor Stortinget inviteres til å foreta en gjennomgang av Innovasjon Norge, herunder både IN sin organisering samt virkemiddel-apparatet.