Samandrag
- Innleiing
- Kap. 490 Utlendingsdirektoratet
- Post 21 Spesielle driftsutgifter, statlege mottak, kan nyttast under post 60
- Post 22 Spesielle driftsutgifter, tolk og oversetting
- Post 60 Tilskot til vertskommunar for statlege mottak for asylsøkjarar og flyktningar
- Post 70 Økonomiske ytingar til bebuarar i asylmottak, kan nyttast under post 60
- Post 72 Retur og tilbakevending for flyktningar, kan overførast
- Post 75 Reiseutgifter for flyktningar til og frå utlandet, kan overførast
- Kap. 3490 Utlendingsdirektoratet
- Kap. 491 Utlendingsnemnda
- Kap. 490 Utlendingsdirektoratet
Justisdepartementet legg i proposisjonen fram forslag om endringar i løyvingane under diverse kapittel i statsbudsjettet for 2010. Endringsforslaga er m.a. basert på rekneskapstal per 30. september 2010.
Nyare prognoser viser at det vil kome om lag 10 000 asylsøkjarar i 2010 (3 500 færre enn det som er lagt til grunn for gjeldande løyving), og gjennomsnittleg belegg i mottak er venta å verte 17 890 (1 950 plassar lågare enn det som er lagt til grunn for løyvinga). Mindreutgiftene som følgje av dette vert anslått til 202,312 mill. kroner.
På grunn av omfattande hærverk ved Lier og Fagerli ventemottak, har det vore naudsynt å setje i verk omfattande strakstiltak for å ivareta tryggleiken og få kontroll over situasjonen. Dette vart primært gjort gjennom å auke bemanninga, ein auka bruk av innleidde vektarar og kjøp av plassar i private bu- og omsorgsløysingar. På denne bakgrunn er det behov for å auke løyvinga under kap. 490 post 21 med 20 mill. kroner.
Samla vert det foreslått å redusere løyvinga under kap. 490 post 21 med 182,312 mill. kroner.
På bakgrunn av rekneskapstal og venta utvikling, vert det foreslått å redusere løyvinga under kap. 490 post 22 med 7,786 mill. kroner.
Behovet for mottaksplassar i 2010 er lågare enn tidlegare lagt til grunn. Talet på kommunar med asylmottak som det skal utbetalast vertskommunetilskot til i 2010 vert derfor også lågare enn venta.
På denne bakgrunn vert det foreslått å redusere løyvinga under kap. 490 post 60 med 28,943 mill. kroner.
På bakgrunn av at det gjennomsnittlege talet på bebuarar i mottak i 2010 vert lågare enn det som tidlegare har vorte lagt til grunn, vert det foreslått å redusere løyvinga under kap. 490 post 70 med 16,115 mill. kroner.
Det er venta eit mindreforbruk på posten som følgje av at arbeidet knytt til etablering av omsorgs- og utdanningssenter for einslege mindreårige asylsøkjarar i deira opphavsland (Afghanistan og Irak) har vore meir tidkrevjande enn venta, og det har vore forsinka framdrift i etablering av migrasjonspartnarskap i regi av EU.
På bakgrunn av rekneskapstal og venta utvikling, vert det foreslått å redusere løyvinga under kap. 490 post 72 med 20 mill. kroner.
På bakgrunn av rekneskapstal og venta utvikling, vert det foreslått å redusere løyvinga under kap. 490 post 75 med 2,67 mill. kroner.
På bakgrunn av forslag om reduksjon av løyvinga under kap. 490 post 72 vert det foreslått å redusere løyvinga under kap. 3490 post 1 med 20 mill. kroner.
På bakgrunn av forslag om reduksjon av løyvinga under kap. 490 post 75 vert det foreslått å redusere løyvinga under kap. 3490 post 3 med 2,643 mill. kroner.
På bakgrunn av forslag om reduksjon av løyvinga under kap. 490 post 21, 60 og 70 vert det foreslått å redusere løyvinga under kap. 3490 post 4 med 117,447 mill. kroner.
Det har vore færre saker behandla i nemndmøte enn venta, og det har også vore ein vesentleg nedgang i utbetalingane i samband med § 36-saker. På bakgrunn av rekneskapstal og venta utvikling, vert det foreslått å redusere løyvinga under kap. 491 post 21 med 6 mill. kroner.