6. Programkategori 22.10 Post og telekommunikasjoner
Ein gjennomgang av budsjettet for 2010 viser at Post- og teletilsynet har behov for færre medarbeidarar enn tidlegare lagt til grunn. Det blir derfor foreslått å redusere løyvinga på kap. 1380 post 1 Driftsutgifter, med 6,9 mill. kroner, jf. også omtale under kap. 4380 post 1 Diverse gebyr.
I 2009 blei det løyvd 518 mill. kroner på kap. 1370 Posttenester post 70 Kjøp av post- og banktenester, jf. St.prp. nr. 67/Innst. S. nr. 355 (2008–2009). Etterrekning viser eit faktisk behov i 2009 for 211 mill. kroner til kjøp av post- og banktenester.
Departementet legg opp til at Posten i 2010 betaler tilbake overkompensasjonen for 2009 på 307 mill. kroner. Dette inneber at Posten i 2010 skal tilbakebetale i alt 317,53 mill kroner inkl. beregna rentebeløp som følgje av overkompensasjon ved statleg kjøp av post- og banktenester i 2009.
Departementet foreslår såleis å løyve 317,53 mill kroner på eit nytt kap. 4370 Posttenester post 70 Tilbakebetaling post- og banktenester.
Det blir foreslått å redusere løyvinga på kap. 4380 post 1 Diverse gebyr, med 4,85 mill. kroner.
Komiteen har ingen merknader og støtter regjeringens forslag.