Komiteen, medlemmene fra Arbeiderpartiet, Berit Brørby, Svein Roald Hansen og Tone Merete Sønsterud, fra Fremskrittspartiet, Carl I. Hagen og lederen Lodve Solholm, fra Høyre, Per-Kristian Foss, fra Sosialistisk Venstreparti, Inge Ryan, fra Kristelig Folkeparti, Dagfinn Høybråten, og fra Senterpartiet, Magnhild Meltveit Kleppa, viser til grunnlovsforslaget frå Aanund Hylland og Finn-Erik Vinje, vedteke framsett av Jørgen Kosmo og Kjell Engebretsen, om endringar i Grunnlova sine §§ 3, 6, 12, 14, 26, 41, 50, 60, 63, 68, 75, 87, 93, 110 og 110 a (retting av språk­lege feil).

Komiteen viser òg til brev frå Stortingets presidentskap til professor Finn-Erik Vinje av 9. januar 2004, der det vert sagt:

"Etter Presidentskapets oppfatning krever også rent språklige endringer i Grunnlovens tekst fremsettelse av formelt grunnlovsforslag og behandling i samsvar med § 112 i Grunnloven."

Komiteen er samd med Presidentskapet om at ein bør gå den formelle vegen om grunnlovsendringar, jf. Grunnlova § 112, framfor å følgje tidlegare tradisjon der feil vart retta utan at det vart fatta vedtak om grunnlovsendring.

Komiteen vil vidare vise til at forslaget berre er eit forslag om å rette openberre og udiskutable språklege feil, og at det derfor ikkje er eit forslag om endringar i realiteter.