1. Innleiing

Samandrag

       Melding om verksemda til Noregs Kommunalbank skal leggjast fram for Stortinget anna kvart år. Finansdepartementet legg no fram melding om verksemda til Kommunalbanken i 1994 og 1995. Det er på nokre område i meldinga tatt med opplysningar fram til hausten 1996.

       I samsvar med § 9 i lov av 15. juli 1949 om Noregs Kommunalbank har banken 8. februar 1995 lagt fram årsmeldinga om verksemda i 1994. Årsmeldinga for 1994 er trykt som vedlegg 1, rekneskapen som vedlegg 2 og meldingane frå revisjonen og tilsynsnemnda som vedlegg 3 og 4 til meldinga. Årsmeldinga om verksemda i 1995 blei lagt fram 8. februar 1996. Årsmeldinga for 1995 er trykt som vedlegg 5, rekneskapen som vedlegg 6, og meldingane frå revisjonen og tilsynsnemnda for 1995 er trykte som vedlegg 7 og 8 til meldinga.

       Departementet viser òg til dei særtrykka av årsmeldinga som banken sjølv har gjeve ut og sendt til Stortinget.

2. Verksemda til kommunalbanken

Samandrag

       Samla utlån frå banken ved utgangen av 1994 på om lag 25,2 mrd. kroner, og ved utgangen av 1995 om lag 25,7 mrd. kroner. Desse utlåna blir finansierte ved statsgaranterte innlån i den norske marknaden.

       Kommunalbanken har òg i 1994 og 1995 administrert tilskotsordninga for kommunale avløpstiltak for Miljøverndepartementet. Tilskota kan samordnast med banken sine utlån til dei same føremåla.

       Kommunalbanken driv ei eiga rådgjevingsteneste retta mot kommunane.

       Rådgjevingstenesta er skild ut som eiga resultatavdeling i banken, og avdelinga må svare for eigne inntekter og kostnader.

       Kommunalbanken oppretta i desember 1993 dotterselskapet NKB Fondsforvaltning AS. NKB Fondsforvaltning gjev kommunar og kraftselskap tilbod om å plassere midlar i ulike pengemarknads- og obligasjonsfond. Det første fondet blei åpna i juli 1994, og ved slutten av dette året var fire rentefond verksame med eit samla innskot på 222 mill. kroner. Selskapet sin samla forvaltningskapital blei i løpet av 1995 auka til 1 307 mill. kroner.

       Finansdepartementet gav i januar 1996 Kommunalbanken konsesjon med heimel i § 1 i kommunalbanklova til å etablere eit dotterselskap med føremål å drive investeringstenester i tilknyting til kommunal økonomiforvalting, jf. omtale i Revidert nasjonalbudsjett 1996.

Merknader frå komiteen

       Komiteen tar redegjørelsen i meldingen vedrørende Kommunalbankens virksomhet til orientering.

3. Utlånsverksemda i 1994 og 1995

       Kommunalbanken si ramme for løyvingar av nye lån blei i Nasjonalbudsjettet 1994 sett til 3,1 mrd. kroner. I 1995 var denne ramma 2,8 mrd. kroner. Rammene blei nytta fullt ut, jf. tabell 1 i meldinga.

       I desember 1994 blei dei kvalitative retningslinene for banken si prioritering av lån endra, jf. omtale i Salderingsproposisjonen 1995.

       Kommunalbanken si utlånsportefølje er jamt delt på fylkeskommunar og kommunar i heile landet. Såleis har banken òg i 1994 og 1995 prioritert små og mellomstore kommunar fordi desse ikkje får like gode rentevilkår i marknaden som større kommunar med store lånebehov. Banken sin strategi er difor å by låntakarane sine mest mogleg likeverdige lånevilkår.

       I 1994 og 1995 gjekk ein vesentleg del av utlånsramma til skulebygg, miljøinvesteringar og vassforsyning.

       Frå og med 1991 har Kommunalbanken sjølv kunne fastsetje utlånsrenta si. Banken innførte i september 1994 eit nytt lånetilbod (« kort p.t. rente ») som byggjer på kostnadene ved innlån med kortsiktig rentebinding.

       Kommunalbanken sine to andre p.t. produkt (gamal og lang p.t. rente) byggjer på kostnadene ved innlån med ei rentebindig på 3-8 månader.

       Banken auka i 1995 sine utlånstilbod til òg å gjelde lån med flytande rente knytta til 3-månaders NIBOR pengemarknadsrente.

       Banken tilbyr òg lån til fast rente med bindingstid frå 1 til 10 år. Desse utlåna finansierast hovudsakleg med obligasjonar, og rentetilboda skiftar frå dag til dag, avhengig av utviklinga i obligasjonsrentene.

       Uteståande garantiar frå Kommunalbanken for lån i andre kredittinstitusjonar til skular gjekk i 194 ned med om lag 87 mill. kroner til 140 mill. kroner. I 1995 gjekk garantiansvaret ytterlegare ned til 92 mill. kroner. Departementet sende 7. august 1996 på høyring forslag om å oppheve denne garantiordninga. Ein vil kome tilbake til Stortinget med denne saka.

Merknader frå komiteen

       Komiteen tar redegjørelsen i meldingen vedrørende utlånsvirksomheten i 1994 og 1995 til orientering.

4. Innlånsverksemda og økonomisk resultat i 1994 og 1995

Samandrag

       Banken hadde ved utgangen av 1994 uteståande 14,5 mrd. kroner i innanlandske sertifikatlån, og 10,5 og 1,7 mrd. kroner i hhv. innanlandske og utanlandske obligasjonslån. Ved utgangen av 1995 var tilsvarande tal i same følgd 14,8 mrd. kroner, og 9,6 og 1,3 mrd. kroner. Banken si innlånsverksemd har i 1994 og 1995 gått føre i åpne obligasjons- og sertifikatlån.

       Rekneskapen for 1994 viste eit årsoverskot på 188,6 mill. kroner. Banken si verksemd ga ei avkasting på den disponible delen av eigenkapitalen på 9,82 %. I Nasjonalbudsjettet 1995 blei det lagt til grunn at banken skulle betale eit utbyte til staten på 170 mill. kroner for rekneskapsåret 1994. Banken sin forvaltingskapital auka med 3,4 mrd. kroner i 1994 til 31,8 mrd. kroner. Driftskostnadene i prosent av forvaltingskapitalen utgjorde 0,08 %.

       Rekneskapen for 1995 viste eit årsoverskot på 176,2 mill. kroner. Dette representerte ei avkasting på den disponible eigenkapitalen på 9,18 %. Det blei òg i Nasjonalbudsjettet 1996 lagd til grunn at banken skulle betale eit utbyte til staten på 170 mill. kroner. Pr. 31. desember 1995 var forvaltingskapitalen 31,2 mrd. kroner. Driftskostnadene i 1995 utgjorde 0,08 % av forvaltingskapitalen.

       Stortinget vedtok i samband med Salderingsproposisjonen 1996 at banken frå og med 1996 skal betale ei garantiprovisjon til staten på 0,15 % p.a. av uteståande innlån. Stortinget vedtok samstundes å føre over 1.100 mill. kroner av banken sitt reservefond til statskassa.

       I Statsbudsjettet 1997 blir spørsmålet om framtidige krav til Kommunalbanken om avkasting og utbyte drøfta.

       Finansdepartementet viser elles til dei opplysningane som Kommunalbanken har gjeve om sine lån i årsmeldingane, jf. vedlegg 1 og 5 til meldinga.

Merknader frå komiteen

       Komiteen tar redegjørelsen i meldingen vedrørende Kommunalbankens innlånsvirksomhet og økonomisk resultat i 1994 og 1995 til orientering.

5. Administrative og organisatoriske spørsmål

Samandrag

       Ved kgl. res. av 6. september 1996 blei det vedteke å overføre det administrative ansvaret for banken frå Finansdepartementet til Kommunal- og arbeidsdepartementet med verknad frå 1. januar 1997. Det er i meldinga elles gjort greie for administrative og organisatoriske spørsmål.

Merknader frå komiteen

       Komiteen tar redegjørelsen i meldingen vedrørende administrative og organisatoriske spørsmål til orientering.

6. Tilråding frå komiteen

       Komiteen viser til meldingen og til det som står foran og rår Stortinget til å gjøre slikt

       St.meld. nr. 11 (1996-1997) Verksemda til Noregs Kommunalbank i 1994 og 1995 - vedlegges protokollen.