Nærings- og energidepartementet gjer framlegg om ei løyving på 4 mill. kroner til innfriing av garantiansvar for miljøtiltak på statsbudsjettet for 1996. Departementet grunngjev framlegget med at det til nå i 1996 er betalt ut ca 3 mill. kroner for utført rehabiliteringsarbeid på tomta til Norsk Koksverk. Departementet reknar med at det vil bli aktuelt å betale ut ytterlegare ca 1 mill. kroner under miljøgarantien i 1996.

       Komiteen har ingen merknader og sluttar seg til framlegget frå Regjeringa.