1. Innledning

    Til Stortinget.

       Departementet gjer framlegg om tekniske omleggingar av budsjettet for 2. halvår 1996 som følgje av samanslåinga av fire forskingsinstitusjonar i Oslo, Institutt for sosialforsking (INAS), Norsk gerontologisk institutt (NGI), Barnevernets utviklingssenter (BVU) og Program for ungdomsforsking (UNGFORSK), jf. B.innst.S.nr.12 Tillegg nr. 1 (1995-1996). Departementet tek sikte på å etablere det nye sosialpolitiske forskingsinstituttet frå 1. juli 1996. Innflytting er komen i gang. Nokre tilsette må bli plasserte i tilleggslokale utanfor Munthesgate/Fuglehauggata. Namnet blir Norsk institutt for forsking om oppvekst, velferd og aldring (NOVA).

       Instituttet vil som føresett bli organisert som eit forvaltingsorgan med særskilde fullmakter, forvaltingsmessig underlagt Kyrkje-, utdannings- og forskingsdepartementet. NOVA vil etter dette sjølv opprette stillingar og tilsette personale. Instituttet vil få løyving over post 50 etter som det sjølv disponerer inntektene sine og ikkje kjem inn under bruttoprinsippet for budsjettering i statleg verksemd.

       Departementet gjer framlegg om å auke instituttgruppa for samfunnsforsking (ISAF) sitt utgifts- og inntektsbudsjett med 1 mill. kroner. ISAF vil ha ansvaret for dei administrative fellesoppgåvene for det nye instituttet og Institutt for samfunnsforsking i Munthes gate, og vil få tilført midlar til desse driftsoppgåvene innafor ramma av det samla budsjettet til det nye instituttet på basis av avtale.

       Departementet vil i budsjettproposisjonen for 1997 fremje eit samordna budsjettframlegg for det nye instituttet i samsvar med retningslinene for statleg finansiering av forskingsinstitutt og med grunnløyving over kap. 287. Løyvingar til strategiske instituttprogram eller til prosjekt kan òg kome frå andre departement.

2. Merknader frå komiteen

     Komiteen syner til at samanslåinga av fire forskingsinstitusjonar i Oslo til eit nytt sosialpolitisk forskingsinstitutt vart handsama av Stortinget 14. desember 1995, jf. B.innst.S.nr.12 Tillegg nr. 1 (1995-1996). Instituttet blir etablert frå 1. juli 1996 og får namnet Norsk institutt for forsking om oppvekst, velferd og aldring (NOVA).

       Komiteen syner til proposisjonen der departementet legg fram dei tekniske omleggingane av budsjettet som samanslåingane fører med seg for budsjettåret 1996. Komiteen er samd i departementet si tilråding til budsjettendringar.

       Komiteens medlemmer fra Høyre viser til B.innst.S.nr.12 Tillegg nr. 1 (1995-1996) hvor disse medlemmer gikk imot sammenslåing av de sosialpolitiske forskningsinstituttene. Disse medlemmer tar til etterretning at Høyres syn ikke fikk flertall, og støtter på denne bakgrunn proposisjonen.

       Komiteens medlem fra Sosialistisk Venstreparti viser til B.innst.S.nr.12 Tillegg nr. 1 (1995-1996) der dette medlem gikk inn for å slå sammen de sosialpolitiske forskningsinstitutter, utenom Barnevernets utviklingssenter. Dette medlem gikk inn for en modell der BVU skulle få en sterkere tilknytning til Høgskolen i Oslo.

       Dette medlem tar til etterretning at forslaget ikke fikk flertall og støtter derfor proposisjonen.

3. Komiteen si tilråding

     Komiteen syner til proposisjonen og rår Stortinget til å gjere slikt

       På statsbudsjettet for 1996 vert det gjort desse endringane: