Dei samla utgiftene for staten og for folketrygda var 431,2 mrd. kroner i 1993 og 450 mrd. kroner i 1992. Dei samla inntektene var 364,5 mrd. kroner i 1993 og 394,3 mrd. kroner i 1992. Lånetransaksjonar og overføring til og frå Statens petroleumsfond er medrekna i desse tala.

Tabell 1. Utgifter og inntekter

	Løyving Mrd.kr	Rekneskap Mrd.kr

Utgifter	428,5	431,2
Inntekter	358,1	364,5
Finansieringsbehov	70,4	66,7
Netto utlån	24,1	22,9
Underskott før lånetransaksjonar	46,3	43,8
Netto oljeverksemd og overføring frå Noregs Bank	33,5	33,1
Underskott ekskl. olje og Noregs Bank	79,8	76,9

       Rekneskapen viser eit underskott før lånetransaksjonar på 43,8 mrd. kroner mot løyvd underskott på 46,3 mrd. kroner.

       Utan oljeverksemda og overføringa frå Noregs Bank vert det eit underskott på 76,9 mrd. kroner. Dette er 2,9 mrd. kroner mindre enn løyvd.

       Utgiftene for 1993 er 18,8 mrd. kroner mindre enn for 1992. Dette er ein reduksjon på 4,2 % frå 1992.

       Frå og med 1989 har dei samla inntektene før lånetransaksjonar rekna som prosent av BNP vore jamne. Frå 1992 til 1993 gjekk inntektene i prosent av BNP ned 1,3 % til 43,9 %.

       Samla utgifter før lånetransaksjonar (ekskl. olje og sjøfart) auka 2,5 % frå 1992 til 1993.