Det er H.M. Kong Harald som føretek den høgtidelege opninga av Stortinget.  Seremonien i Stortinget har tradisjonar tilbake til Grunnlova av 1814.

Kongen opnar Stortinget med trontalen. Trontalen gjer greie for hovudtrekka i regjeringa sitt arbeidsprogram og politikk for det kommande året. Etter trontalen blir meldinga om rikets tilstand lesen opp av ein medlem av regjeringa.

Det skal ikkje vera drøftingar i Stortinget så lenge kongen er til stades. Difor ventar stortingspresidenten med å føreslå korleis trontalen skal behandlast til etter at kongen har forlate stortingsbygningen.

I stortingssalen er både stortingsrepresentantar, regjeringa, representantar for embetsverket, det diplomatiske korpset og pressa til stades. 

Praktisk informasjon til media

Tilgang

Alle journalistar og fotografar som ønsker å dekke den høgtidelege opninga av Stortinget må fylle ut og sende inn akkrediteringsskjema dersom dei ikkje er medlemmer av Stortingets presselosje. 

Også journalistar og fotografar som er medlemmer av Stortingets presselosje må fylle inn skjemaet dersom dei ønsker å fotografere frå galleriet eller Løvebakken.

Her akkrediterer du deg

Akkrediteringsfristen er måndag 30.september kl. 12.00. Fristen er endeleg.

Alt av fotoutstyr som skal brukast under opninga i stortingssalen må også vere på plass i stortingssalen før klokka 09.00 onsdag 2. oktober.

Vi ber media, også medlemmer av presselosjen, om å bruke inngangen frå Akersgata. Alle som skal dekke opninga frå Løvebakken eller galleriet, og også dei som ikke er medlemmer av presselosjen, blir følgde inn.

Siste frist for oppmøte i Akersgata er kl. 12.20. Alle må ta med legitimasjon og pressekort ved oppmøte. Det er ønskeleg med fint antrekk.

Høve til foto

1. Løvebakken: Gi beskjed ved akkreditering dersom dette er ønskeleg. Tilgang innanfor tilviste plassar.

2. Galleriet: Gi beskjed ved akkreditering dersom dette er ønskeleg. Desse plassane er reserverte til fotografer. Det er ei avgrensa mengde plassar, førstemann til mølla-prinsippet gjeld. Alle som skal stå på galleriet blir følgde opp og får eigne kort som må berast synleg.

Videofotografar må bruke trådlaust utstyr.

I presselosjen er det vanleg tilgang for skrivande presse. For pressa blir det også mogleg å følgje opninga frå eit møterom like ved vandrehallen.

TV-signal

Stortinget sørger for TV-signal via Stortingets kommunikasjonsknutepunkt, til fri disposisjon for alle medium. Det blir filma frå Karl Johansgate, Løvebakken, resepsjonen og vandrehallen i tillegg til stortingssalen. TV-sendinga blir levert utan tekst og kommentarar.

Kontaktperson for TV-produksjonen: Thomas Andresen, 415 19 262.

TV-sendinga vil også vere tilgjengeleg på Stortingets nett-TV. Nett-TV kan videreformidlast av alle medium etter avtale om oppretting av publiseringspunkt.

Meir informasjon om vidareformidling av nett-TV.

Kontaktperson for nett-TV: Bjørn Holta, 971 58 040.

Under møtet i stortingssalen må det berre nyttast lydlaust utstyr. Det er ikkje mogleg å forlate salen under møtet.

Akkrediteringsskjema for Stortingets høgtidelige opning

Foto frå opninga av Stortinget

https://album.imageshop.no/1554693/?loadLanguageid=1

https://mediearkiv.stortinget.no/

Meir informasjon

Meir informasjon om Stortingets høgtidelige opning