Det ungarske vertsskapet har mellom anna sett europeisk identitet og det framtidige EU på dagsorden.

 

− Eg ser konferansen som eit høve til å framheve at frie val og rettsstat er sentrale europeiske verdiar som også er prioriterte innanfor EØS-midla. Vidare er det viktig for meg å understreke at Europa må vidareføre støtta til Ukraina, seier Nils T. Bjørke.

 

Parlamentspresidentar i EU har sidan 1998 hatt ein årleg konferanse. Han blir arrangert i landet som hadde det roterande EU-formannskapet den førre hausten. Stortinget har delteke som observatør sidan 2017. I tillegg til EUs parlamentspresidentar og presidenten i Europaparlamentet, er også parlamentspresidentane i kandidatland inviterte til konferansen.