I tillegg til Stortinget deltok representantar frå utanrikskomiteane i 22 EU-land sine parlament.

Tema for møtet var strategiske utfordringar for EUs felles utanriks- og sikkerheitspolitikk og EUs naboskapspolitikk. EUs nye høgrepresentant for utanrikspolitikk, Federicia Mogherini og kommissær for naboskapspolitikken og utviding, Johannes Hahn, innleidde til debatt.

Sikkerheitssituasjonen i Europa som følgje av Russlands folkerettsbrot i Ukraina var sentralt på møtet, i tillegg til situasjonen i Midtausten, Vest-Balkan, Georgia og Moldova. I tillegg blei utvidingsprosessen i EU drøfta. Det var også ei orientering om den førebels rapporten frå den nederlandske havarikommisjonen etter nedskytinga av flyet til Malaysian Airlines i Ukrainia tidlegare år. 

– Etter den russiske aggresjonen i Ukraina er det viktig med eit tett samarbeid mellom EU og Nato, sa Anniken Huitfeldt i sitt innlegg. Eg oppmoda også Mogherini til å styrkje EUs innsats for å løyse konflikten mellom Israel og Palestina og la vekt på at ei tostatsløysning er nødvendig for å sikre dette, sa Huitfeldt. 

– Noreg og EU har felles interesser i å fremje fred, stabilitet og vekst i vårt nabolag. Det er viktig å synleggjere at Noreg også bidrar aktivt her, seier Øyvind Halleraker, og viser m.a. til avtalen om den norske støttepakken til Ukraina som statsminister Solberg signerte under sitt besøk i landet i november. 

Anniken Huitfeldt (A) og Federicia Mogherini.