Liv Kari Eskeland (H): Kva tankar gjer statsråden seg om at dei norske geoparkane står i fare for å miste sin UNESCO-status, og kva råd vil statsråden gje geoparkane som gjer at dei kan behalde UNESCO-statusen?
Begrunnelse
Nulling av statsstøtte til norske UNESCO Globale Geoparkar fører for tre av Norges fire
geoparkar (fire av fem i 2025) til oppsigelse/permittering av geologstillinga. Tilsett geolog i 100% er eit krav for UNESCO Globale Geoparkar, og utan geologen mister ein UNESCO-statusen ved første revalidering. Norge står dermed i fare for å miste 4 UNESCO-organisasjonar. Dette blir i same periode som Noreg skal representere Norden i UNESCO’s hovedstyre ettersom Norge er Nordens kandidat til UNESCO Executive Board for perioden 2025-2029.
Fire av våre fem geoparkar ligg i distrikt med så lite fastbuande at kommunetilskotet pr. innbyggjar saman med fylkeskommunal støtte ikkje kan finansiere eit minimum av bemanning, dvs minimum 2 tilsette. UNESCO-geoparkane bidreg med ein sterk internasjonal status og merksemd for desse distriktsregionane, samt regional stolthet og gratis undervisning om særs verdfull naturarv til skulane i regionen. Norge bidreg med ca NOK 680 mill totalt (2024) til ymse UNESCO-prosjekt, inkl. NORADs. Noko som viser stor statleg vilje til å støtte UNESCO. Søknadar om UNESCO Global Geopark-status må sendast UNESCO via Kunnskapsdepartementet, og staten anerkjenner dermed søknaden. UNESCO sjølv viser til sine geoparkar som sitt bidrag til Naturavtalen. For reiselivet bidreg UNESCO Globale geoparkar med eit internasjonalt kjent kvalitetsstempel for reisemål, samt med kunnskap til sine partnerbedrifter om nærmiljø som kan nyttast som ressurs for gjestene. Dette bidreg til auka omsetjing i bedriftene. Dette er i utgangspunktet bedrifter med små marginer, og. det er ingen moglegheit for desse bedriftene eller Visit-organisasjonane å kunne påta seg finansiering for geoparkane.