Skriftlig spørsmål fra Frank Edvard Sve (FrP) til statsministeren

Spørsmål

Frank Edvard Sve (FrP): Kan Statsministeren forklare korleis dette innkjøpet var mulig, og kven som har ansvaret for dette?

Begrunnelse

Sjukehusa våre manglar pengar, i Møre og Romsdal ligger det ann til mange hundre million kroner i meirforbruk og legar, sjukepleiarar og helsepersonell kan miste jobbane sine.
Kommunane er sveltefora økonomiske, og har tidenes mest pressa økonomi, der skular blir lagt ned og eldreomsorga er under sterkt press, likeså er der mange i dette landet som no gruere seg til jula pga pressa økonomi,
- så, presterer regjeringa å bruke 100 mill kroner på innkjøp av krager/overhead/masker til Ukraina til over 3000 kr stykker, som ein lett kunne fått for ca 30 kr på Biltema eller andre leverandørar.
Maskene frå Biltema hadde angiveleg bedre effekt i test, og dette kjøpet framstår som ei gedigen skandale.
At det går ann å sløse så inn i hampen med skattebetalarane sine pengar, er både ei stor skam men må åpenbart få konsekvensar då Ukraina faktisk får ei vare som slett ikkje verken er verdig eller gangbart til bruksområdet som var tiltenkt.

Svar

Tore Onshuus Sandvik: Eit samla Storting står bak den norske stønaden til Ukrainas forsvarskamp og Stortinget har løyvt rikelege midlar for militær stønad til Ukraina. Norsk og internasjonal militær stønad er avgjerande for Ukrainas høve til å utøve det legitime sjølvforsvaret sitt. For Noreg er stønaden til Ukraina avgjerande fordi Noregs tryggleik, velstand og handlefridom er tufta på respekt for folkeretten i ei regelstyrt verd. Gjennom den militære stønaden over Nansen-programmet jobbar regjeringa for å sikre at Ukrainias behov for militær stønad møtest, at det Noreg leverer er noko som verkar og noko som er ønsket og at stønaden blir levert raskt.

Etter at Forsvarsdepartementet gav Forsvarsmateriell i oppdrag å koordinere innspel til mogelege donasjonar frå leverandørindustrien, oppretta Forsvarsmateriell i 2024 ein nettportal for registrering av slike spørsmål. Formålet var å få ei samla oversikt over alle dei forslaga som sektoren mottek om produkt som kan være aktuelle for donasjon til Ukraina, og som kunne dekkje nokre av dei mange behova Ukraina har. I sommar var det kome om lag 200 forslag til portalen og av desse blei fleire prosjekt tilrådde av Forsvaret til Forsvarsdepartementet. Eit av desse var innkjøp av produktet frå Watchbird.

På bakgrunn av dette gav Forsvarsdepartementet oppdrag om å gjennomføre fleire av dei tilrådde prosjekta, medrekna å skaffe produktet frå Watchbird. Forsvarsmateriell har i haust forhandla med selskapet om leveranse av om lag 65 000 masker.
I løpet av anskaffingsprosessen kom det fram ny informasjon som gjorde at innkjøpet frå selskapet blei satt på pause. Kontrakt for leveranse til Ukraina av dette produktet fremja gjennom portalen er derfor ikkje inngått.

Eg har bedt Forsvaret om ei utgreiing om faktum i saka om Watchbird og kva som låg til grunn for tilrådinga deira i sommar om innkjøp av dette produktet.

Departementet vil vurdere svara frå Forsvaret og eventuelle nødvendige tiltak med omsyn til denne konkrete saka og portalen. Ei eventuell endring av innretninga på portalen og korleis kvalitetskontroll av dei einskilde prosjekta blir utførte vil være del av denne gjennomgangen.

Stortinget sin kontroll- og konstitusjonskomité har stilt fleire spørsmål om saka, og eg kjem derfor tilbake til Stortinget om denne saka.

Stortinget.no

Skriftlig spørsmål fra Frank Edvard Sve (FrP) til statsministeren

Spørsmål

Begrunnelse

Svar