Skriftlig spørsmål fra Stig Even Lillestøl (FrP) til samferdselsministeren

Dokument nr. 15:326 (2025-2026)
Innlevert: 02.11.2025
Sendt: 03.11.2025
Rette vedkommende: Fiskeri- og havministeren
Besvart: 10.11.2025 av fiskeri- og havminister Marianne Sivertsen Næss

Stig Even Lillestøl (FrP)

Spørsmål

Stig Even Lillestøl (FrP): Regjeringa varsla i oktober at arbeidet med Stad skipstunnel skulle stanse på bakgrunn av ein anslått kostnad på 9,4 milliardar kroner.
Kvifor er det i dette anslaget rekna med moms, altså pengar det offentlige betalar til seg sjølv, og kva blir kostnadsanslaget dersom ein ikkje reknar med pengane staten skal betale til seg sjølv?

Begrunnelse

I oktober kom det fram kostnadsanslag for Stad skipstunnel, og regjeringa formidla til offentlegheita at prosjektet vil koste 9,4 milliardar kroner. Her har man rekna med moms, noko som ikkje blir gjort for enkelte andre samferdselsprosjekt. Det gjer inntrykk av at Stad skipstunnel er dyrare enn kva den eigentleg er.

Marianne Sivertsen Næss (A)

Svar

Marianne Sivertsen Næss: I Prop. 1 S (2025-2026) er det vist til at Kystverket vurderer at kostnadsramma for Stad skipstunnel må oppjusterast til 9 430 mill. kroner dersom prosjektet skal vidareførast innanfor realistiske budsjettrammer.
Den oppjusterte kostnadsramma på 9 430 millionar kroner inkluderer meirverdiavgift fordi den prisjusterte kostnadsramma på 5 430 som Stortinget har vedtatt gjer det same. Utan meirverdiavgift blir dei same talla 7 606 millionar kroner for den oppjusterte kostnadsramma og 4 380 millionar kroner for Stortinget si kostnadsramme. Kostnadsanslaget for prosjektet har uansett auka med nærmare 75 prosent, om du reknar med eller utan meirverdiavgift.

Regjeringa vurderer at det ikkje lenger er realistisk å gjennomføre prosjektet innanfor den vedtatte kostnadsramma, og kan heller ikkje sjå at nytten av prosjektet kan forsvare dei høge kostnadane. I Prop. 1 S (2025-2026) er det difor foreslått å avslutte arbeida med Stad skipstunnel. Regjeringa er like fullt opptatt av at Vestlandet skal ha god transportinfrastruktur, og stans av Stad skipstunnel vil kunne gi økt handlingsrom til å igangsette andre prosjekt som i langt større grad vil bidra til tryggleik og framkome.

For å følgje opp vedtaket om Stad skipstunnel frå trontaledebatten, har eg bedt Kystverket om å gjenoppta og ferdigstille forhandlingane med tilbydarane samt arbeide vidare for å finne kostnadsreduserande tiltak.

Eg tar sikte på at resultata av forhandlingane og arbeidet med å finne ytterlegare kostnadsreduserande tiltak kan leggjast fram for Stortinget så snart som mogleg, men tidlegast i samband med revidert nasjonalbudsjett for 2026.