Kjersti Toppe (Sp): Vil regjeringa å fremme lovproposisjon om å lovfeste tingrettane og deira faste rettstader slik at eventuelle framtidige endringar i domstolsstukturen må forankrast i Stortinget, og kor tid planlegg regjeringa i tilfelle å fremme slikt lovforslag for Stortinget?
Begrunnelse
Då Senterpartiet og Arbeiderpartiet sat saman i regjering, varsla regjeringa ei lovfesting av tingrettane sine faste rettstader. Det vil bety at framtidig endring av domstolsstrukturen må forankrast i stortinget. Høyringsnotat blei sendt ut 21. oktober 2024, med høyringsfrist 10. januar 2025. Forslaget vil sikre rettstadane ei sterkare demokratisk forankring og eit betre vern mot framtidige nedleggelsar enn det rettstadane har i dag. Lovforslaget har fått støtte i høyringa. Om lovforslaget blir vedtatt, er det Stortinget som får myndigheit til å ta endeleg avgjerd i spørsmålet om rettstader i Norge.