Skriftlig spørsmål fra Alfred Jens Bjørlo (V) til næringsministeren

Dokument nr. 15:2229 (2024-2025)
Innlevert: 16.05.2025
Sendt: 19.05.2025
Besvart: 26.05.2025 av næringsminister Cecilie Myrseth

Alfred Jens Bjørlo (V)

Spørsmål

Alfred Jens Bjørlo (V): Stortinget har ved gjentatte høve handsama sak om å få etablert eit ope tilgjengeleg register over kven som eig aksjar i Noreg (aksjeeierregister). I Innst. 216 S (2024-2025) ber Stortinget regjeringa om å gjennomføre nødvendige avklaringar og etablere eit slikt ope tilgjengleg register innan utgangen av stortingsperioden.
Kan næringsministeren opplyse om kor langt arbeidet med avklaringar er kome, stadfeste at alt er i rute, og at registeret blir etablert innan 1. oktober 2025 som føresett av Stortinget?

Begrunnelse

Stortinget har ved gjentatte anledninger behandlet spørsmålet om et åpent register over hvem som eier aksjer i Norge. Senest av Kontroll- og konstitusjonskomiteen, jf. Innst. 216 S (2024–2025), vedtatt av Stortinget 29. april 2025.
I Innst. 216 S (2024-2025) ber flertallet regjeringen om å få et offentlig og løpende oppdatert aksjeeierregister på plass innen utgangen av stortingsperioden. Flertallet ber derfor regjeringen i løpet av denne stortingsperioden gjennomføre nødvendige avklaringer og etablere et slikt åpent tilgjengelig aksjeeierregister. Disse avklaringene bør bygge på rapporten fra arbeidsgruppen nedsatt av Nærings- og fiskeridepartementet våren 2024: «Større åpenhet om aksjeeierskap». Flertallet ber regjeringen utvikle en teknisk løsning for dette, som kan være på plass og tilgjengelig innen utløpet av denne stortingsperioden.
Bestillingen fra Stortinget er med andre ord ikke til å misforstå og den innebærer at en løsning skal være på plass i denne stortingsperioden.

Cecilie Myrseth (A)

Svar

Cecilie Myrseth: Regjeringa har i heile sin periode arbeida aktivt med tiltak for at allmenta lettare skal få innsyn i kven som eig norske aksjeselskap og allmennaksjeselskap. Kvart aksjeselskap har plikt til og ansvar for å føre ei oppdatert aksjeeigarbok, og alle allmennaksjeselskap har plikt til å la eit verdipapirregister føre oversikt over kven som til kvar tid eig aksjane i selskapet. Ein kvar har rett til å be om denne informasjonen. For at tilgangen skal bli enklare, endra eg tidlegare i år forskriftene til aksjelova og allmennaksjelova slik at denne retten no er lettare å utøve. Forskriftsendringane inneber mellom anna at aksjeselskap skal utlevere informasjonen innan tre dagar, og det kan ikkje lenger krevjast betaling for å gje han ut. Tilsvarande skal verdipapirregister gje ut informasjonen på vegner av allmennaksjeselskap dei er registerførar for. Openheit har med andre ord vore der, men etter desse endringane blir denne retten til informasjon vesentleg enklare å utøve.
Skatteetaten innhentar kvart år opplysningar om aksjeeigarar for skattefastsettingsformål frå selskapa og verdipapirregistera. Opplysningane omfattar eigarskap per 31. desember og om endringar gjennom året. Skatteetaten sine opplysningar om aksjeeigarar er i utgangspunktet underlagde teieplikt. Skatteetaten gir innsyn i aksjeeigarar per 31. desember for kvart inntektsår.
Allmenta si tilgang til aksjeeigarinformasjon frå myndigheitene gjennom året avhenger av at myndigheitene har oppdaterte opplysningar. Det er ikkje situasjonen i dag. Eg har saman med finansministeren gitt Skatteetaten og Brønnøysundregistera i oppdrag å greie ut ulike alternativ for å stille saman aksjeeigarinformasjon. Samanstillinga er meint å erstatte innrapporteringssystemet som Skatteetaten har i dag, og skal òg danne grunnlag for andre myndigheiter sine behov for samanstilte opplysningar om aksjeeigarskap. Dette er eit stort prosjekt, som er underlagd Statens prosjektmodell. I desember 2024 leverte Skatteetaten og Brønnøysundregistera ei konseptvalutredning med ulike forslag til korleis dette kan utviklast. Rapporten vart sende på høyring med høyringsfrist 20. mars 2025 og har etter det vore til ekstern kvalitetssikring (KS1). Vi arbeidar no saman om neste fase i prosjektet.
Denne løysinga skal opne for at andre enn myndigheitene skal kunne få innsyn. Intensjonen til regjeringa er å opne for at allmenta får innsyn så snart slik informasjon er tilgjengeleg. Eg arbeider difor parallelt med regelverk for dette.