Samferdselsdepartementet foreslår i Prop. 13 S (2017–2018) endringar i løyvingar mv. under programkategoriane 21.10 Administrasjon m.m., 21.20 Luftfartsformål, 21.30 Vegformål, 21.40 Særskilde transporttiltak, 21.50 Jernbaneformål og 22.10 Post og telekommunikasjonar. Vidare foreslår Samferdselsdepartementet at på kap. 1330, post 75 Tilskot til reduserte bompengetakstar utanfor byområda blir stikkordet «kan overførast» føydd til.

I proposisjonen foreslår Samferdselsdepartementet vidare at to jernbaneprosjekt får løyving til oppstart. Prosjektet Sandbukta–Moss–Såstad er foreslått starta opp i 2018 innanfor ei styringsramme på 8 676 mill. kroner og ei kostnadsramme på 9 502 mill. kroner. Prosjektet Venjar–Eidsvoll–Langset på Dovrebanen er foreslått starta opp i 2018 innanfor ei styringsramme på 5 467 mill. kroner og ei kostnadsramme på 6 570 mill. kroner. Begge prosjekta er omtala i Prop. 1 S (2017–2018).

Kommunal- og moderniseringsdepartementet legg i Prop. 16 S (2017–2018) fram forslag til endringar i statsbudsjettet for 2017 mellom anna på kap. 542 Internasjonalt IKT-samarbeid og utviklingsprogram. Bevilgninga på post 70 Tilskudd til internasjonale program er foreslått redusert med 12,6 mill. kroner til 16,7 mill. kroner.